Қазақстан мен Ауғанстан ғылыми дипломатияны нығайту

Қабыл, 2025 жылғы 14 сәуір – Қазақстан Республикасы Президенті жанындағы Қазақстан стратегиялық зерттеулер институтының (ҚСЗИ) директоры Еркін Тұқымов Ауғанстанға сапары барысында Ауғанстанның сыртқы істер министрінің м.а. Амир Хан Муттакимен кездесті.

Кездесу кезінде Қазақстан мен Ауғанстан арасындағы инфрақұрылымды қалпына келтіру және дамыту мәселелерінде қазақстандық мамандардың тәжірибесін пайдалану, сондай-ақ ауыл шаруашылығы, сауда, өнеркәсіп және цифрландыру салаларындағы ынтымақтастықты арттыру мәселелері талқыланды.

А.Муттаки экономикалық және сауда байланыстарының қарқынды дамуын жоғары бағалап, Қазақстанмен ынтымақтастықты одан әрі кеңейтудің маңыздылығын атап өтті. Ол қазіргі уақытта Ауғанстанның әлем бойынша 41 елшілігі мен консулдығы жұмыс істейтінін, елшілердің Қытай, Өзбекстанға және БАӘ-не тағайындалғанын, сондай-ақ Түркияға елші тағайындау туралы шешім қабылданғанын мәлімдеді.

Өз кезегінде Е.Тұқымов ҚР Президентінің Ауғанстанға қатысты мәселелерге ерекше назар аударатынын және екі ел арасында тығыз қарым-қатынас пен кеңейтілген сауда-экономикалық байланыстар орнатылғанын атап өтті.

Сонымен қатар, ол Қазақстанның бастамасымен Орталық Азия мен Ауғанстан елдерінің тұрақты дамуын қамтамасыз ету мақсатында БҰҰ Орталығы құрылғанын хабарлады және осы Орталықтың өңірдегі негізгі перспективалық бағыттарын айқындады.

Келіссөздер қорытындысында тараптар екі ел арасындағы қарқынды және серпінді ынтымақтастықтың жалғасатынына сенім білдірді.