Қазақстан Республикасының азаматтарын шетелде консулдық есепке қоюдың мақсаты:
- Қазақстан Республикасы азаматтарының құқықтары мен заңды мүдделерін қорғау;
- Қазақстан Республикасы азаматтарының болу елінің заңнамасымен Қазақстан Республикасы мен қабылдаушы болу мемлекет қатысушылар болып табылатын халықаралық шарттармен, сондай-ақ халықаралық әдет-ғұрыптармен берілген барлық құқықтарды пайдалануына жан-жақты көмек көрсету.
Консулдық есептің түрлері:
- тұрақты консулдық есеп – шетелге тұрақты тұруға кеткен және ішкі істер органдарынан тұрақты тұруға кетуге рұқсат алған тұлғалар үшін;
- уақытша консулдық есеп– уақытша болу мақсатында кеткен адамдарға арналған (оқу, іссапар, емделу, туристік сапар және т.б.).
Иесінің жеке басын куәландыратын және Қазақстан Республикасына бір реттік келу құқығын растайтын құжат.
Аталған құжатты Қазақстан Республикасының консулдық мекемелер:
- Қазақстан Республикасының азаматтарына – олар Қазақстан Республикасынан тыс жерлерде болған уақытта Қазақстан Республикасы азаматының паспортын, Қазақстан Республикасы азаматының жеке куәлігін, Қазақстан Республикасының халықаралық шарттарында және келісімдерінде көзделген жағдайларда, Қазақстан Республикасының қызметтік немесе дипломатиялық паспортын жоғалтқан не олардың қолданылу мерзімі өткен жағдайда;
- Қазақстан Республикасының кәмелетке толмаған азаматтарына – олар Қазақстан Республикасынан тыс жерлерде туған жағдайда;
- Қазақстан Республикасында тұрақты тұратын азаматтығы жоқ адамдарға – олар Қазақстан Республикасынан тыс жерлерде болған уақытта азаматтығы жоқ адамның куәлігін жоғалтқан жағдайда;
- Босқындарға – олар Қазақстан Республикасынан тыс жерлерде болған уақытта жол жүру құжатын жоғалтқан жағдайда;
- Қазақстан Республикасының азаматтарына және Қазақстан Республикасында тұрақты тұратын, Қазақстан Республикасына келу үшін құжаттары жарамсыз не Қазақстан Республикасына келуге арналған құжаттарын жоғалтқан азаматтығы жоқ адамдарға – олар Қазақстан Республикасына шығарып жіберілген, Қазақстан Республикасына ұстап берілген не Қазақстан Республикасы ратификациялаған реадмиссия туралы халықаралық шартқа сәйкес Қазақстан Республикасына берілген жағдайларда береді.
Қайтып оралуға арналған куәлік 3 айға дейін қолдану мерзіміне ресімделеді!
Назар аударамыз!!! Қайтып оралуға арналған куәлік Қазақстан Республикасына келген соң, кунтізбелік 10 күнге дейінгі мерзімде тұрақты тұрғылықты жері бойынша Қазақстан Республикасының ішкі істер органдарына тапсырылады және жоғалған жеке басты куәландыратын құжаттарды қалпына келтіру материалдарына қосылады.
Мемлекеттік қызмет Қазақстан Республикасы Ішкі істер министрлігі ҚР Консулдық мекемелері арқылы ҚР азаматтарына:
- Қазақстан Республикасынан тыс жерлерде тұрақты тұратындарға;
- шет мемлекеттердің аумағында орналасқан оқу орындарында білім алатындарға;
- шет мемлекеттерде еңбек шарты бойынша жұмыс істейтіндерге;
- Қазақстан Республикасынан тыс жерлерде туған жағдайда кәмелетке толмағандарға;
- көрсетілген адамдармен бірге тұратын отбасы мүшелеріне;
- Қазақстан Республикасынан тыс жерлерде тұратын шетелдіктің отбасы мүшелері болып табылатындарға;
- шетелдегі дипломатиялық қызмет персоналымен бірге тұратын дипломатиялық қызмет персоналының туыстарына;
- жасының егде тартуына байланысты өзіне-өзі күтім жасауға қабілетсіз адамдарға (қарттар) және организм функциялары бұзылып, тұрмыс-тіршілігін шектейтіндей тұрақты денсаулығы нашарлаған адамдарға, сондай-ақ өзіне-өзі қызмет көрсете алмайтын жақын туыстарын күтуді жүзеге асыратын адамдарға;
- шет мемлекеттің аумағында ұсталғандарға немесе күзетпен ұсталғандарға, қамауға алынғандарға, сондай-ақ қылмыстық-атқару жүйесі мекемелерінде жазасын өтеушілерге көрсетеді.
Назар аударамыз!!! Қазақстан Республикасы азаматының жеке куәлігін ресімдеу Консулдық мекеменің құзыретіне жатпайды.
Бұл қызмет Қазақстан Республикасынан тыс жерге уақытша жұмыстармен шыққан және онда тұрақты тұру үшін қалуға тілек білдірген Қазақстан Республикасы азаматтарына ұсынылады.
Осы қызметті ұсынуға құжаттарды тапсырар алдында сілтемелер бойынша ҚР-да берешектің жоқ (бар) екендігі туралы мәліметтерді алдын ала тексеруді ұсынамыз:
Конфессияаралық және өркениетаралық диалогты дамыту жөніндегі Н. Назарбаев орталығын құру идеясын 2018 жылғы қазанда өткен Әлемдік және дәстүрлі діндер лидерлері VI съезінің қатысушылары көтерген болатын.
2019 жылы 25 сәуірде Қазақстан Республикасы Үкіметінің №226 қаулысымен Конфессияаралық және өркениетаралық диалогты дамыту жөніндегі Н. Назарбаев орталығы құрылды.
Орталық қызметінің негізгі тақырыбы – Қазақстан Республикасының Тұңғыш Президенті – Елбасының конфессияаралық және өркениетаралық диалогты сақтау және қамтамасыз ету жөніндегі бастамаларын, сондай-ақ Әлемдік және дәстүрлі діндер лидерлері Съезінің идеяларын халықаралық деңгейде насихаттау.
Орталықтың мақсаттары мен міндеттері
- өзара сыйластық жағдайында барлық діндер арасында бейбітшілік пен келісім орнатуға ықпал ету;
- отандық және шетелдік діни бірлестіктермен және олардың рухани көшбасшыларымен тұрақты негізде әрекеттестікті қамтамасыз ету;
- халықаралық құрылымдармен (ұйымдармен, орталықтармен және т.б.) әрекеттестік, дінаралық және мәдениетаралық диалог мәселелері бойынша ынтымақтастық туралы меморандумдар жасау;
- Әлемдік және дәстүрлі діндер лидерлері Съезінің, Съезд Хатшылығының және Жұмыс тобының отырыстарын ұйымдастыру және өткізу;
- дінаралық және мәдениетаралық диалогты нығайтуға бағытталған діни мәселелер бойынша халықаралық, республикалық және аймақтық конференциялар, дөңгелек үстелдер, семинарлар, акциялар мен байқаулар ұйымдастыру және қатысу;
- әлемдегі діни ахуалдың жағдайы мен даму динамикасына талдау жүргізу;
- шетелдік және отандық бұқаралық ақпарат құралдарындағы діни тақырыптағы материалдардың мониторингі.
- Қазақстан Республикасының мемлекеттік органдарына жәрдемдесу және дін саласындағы мемлекеттік саясатты іске асыруда барлық деңгейдегі ақпараттық-түсіндіру топтарының қызметіне қатысу, оның ішінде экстремизмнің діни және басқа көріністеріне қарсы тұру мәселелері бойынша;
- конфессияаралық диалогтың қазақстандық тәжірибесін халықаралық деңгейде насихаттау.
2020 жылдың 26 мамырынан бастап Орталықта Діни ахуалды талдау және дінтану сараптамасы институты құрылды.
Әлемдік және дәстүрлі діндер лидерлері Съезінің Хатшылығы
Әлемдік және дәстүрлі діндер лидерлері Съезінің Хатшылығы Съездің жұмыс органы болып табылады (2003 жылғы 23-24 қыркүйекте өткен Әлемдік және дәстүрлі діндер лидерлерінің І Съезі барысында форумға қатысушылар Съездің жұмыс органы – Хатшылық құру туралы шешім қабылдады).
Хатшылық Съез сессиялары арасындағы қызметті қамтамасыз етеді. Әлемдік және дәстүрлі діндер лидерлері Съезі Хатшылығының басшысы – Қазақстан Республикасы Парламенті Сенатының Төрағасы саналады.
Хатшылықтың мүшелері – Съезге қатысушы әлемдік діндер лидерлерінің өкілдері, олардың арасында ислам, христиан, иудаизм, буддизм, даосизм, синтоизм, индуизм, халықаралық ұйымдардың өкілдері бар.
Хатшылық жыл сайын жиналады және келесі мәселелерді қарастырады:
– Әлемдік және дәстүрлі діндер лидерлері Съезі шешімдерінің жүзеге асырылуы;
– Съез мәжілістерін дайындауды қамтамасыз ету;
– негізгі тақырыптарды, ғаламдық күн тәртібін, жұмыс регламенттерін, Съездің қорытынды құжаттарының жобаларын (Декларациялар, Үндеулер) үйлестіру;
– конфессияаралық және өркениетаралық диалог мәселелері бойынша халықаралық құрылымдармен өзара әрекеттестікті үйлестіру.
Әлемдік және дәстүрлі діндер лидерлерінің Съезі
Съездің шығу тарихы
Әлемдік және дәстүрлі діндер лидерлерінің Съезі алғаш рет 2003 жылдың 23-24 қыркүйегінде Қазақстан Республикасының Тұңғыш Президенті Нұрсұлтан Әбішұлы Назарбаевтың бастамасымен өткізілді.
2003 жылдың 13 ақпанында христиан, мұсылман, еврей ұйымдарының өкілдері қатысқан Халықаралық бейбітшілік пен келісім конференциясында сөйлеген сөзінде Елбасы барлық конфессиялардың өкілдеріне халықаралық көшбасшылардың және дәстүрлі діндер Съезін Қазақстанда өткізу туралы үндеу тастады.
Католик шіркеуінің өкілдері Қазақстан Президентінің Ватиканға сапары кезінде алғашқылардың бірі болып Съезд идеясын қолдады.
Съездің мақсаты:
- Әлемдік және дәстүрлі дін түрлерінен жалпы адамзатқа ортақ бағдарларды іздеу;
- Келісілген шешімдерді қабылдау және дін диалогы үшін, тұрақты халықаралық дінаралық институттардың құрылуы мен жұмысы;
Съездің негізгі бағыты:
- бейбітшілік, келісім мен төзімділікті адам өмірінің мызғымас принциптері ретінде бекіту;
- діндер, конфессиялар, ұлттар мен этностар арасындағы өзара құрмет пен төзімділікке қол жеткізу;
- Адамдардың діни сенімдерін жанжалдар мен ұрыс қимылдарын өршіту үшін пайдаланудың алдын алу.
Съездің міндеттері:
- діндер мен конфессияаралық диалог дәстүрлерін дінаралық Съезд түрінде нығайту;
- Съездің идеологиясы мен тұжырымдамасын келісілген, объективті және сауатты дайындау үшін тұрақты жұмыс органын құру;
- діндер, мәдениеттер мен өркениеттер арасындағы диалогты дамытуға бағытталған халықаралық ұйымдар және құрылымдармен ынтымақтастық әріптестік құру;
- зайырлы және діни бұқаралық ақпарат құралдарының, жастар бірлестіктерінің, ғылыми және шығармашылық зиялы қауым өкілдерін тарта отырып, әртүрлі мәдениеттер мен діндер өкілдері арасындағы диалогты кеңейту;
- діни бірлестіктер арасындағы өзара түсіністік пен сыйластықты тереңдету және нығайту;
- жеккөрушілік пен экстремизм идеологиясына қарсы тұру ретінде төзімділік пен өзара құрмет мәдениетін дамыту;
- «өркениеттер қақтығысы» туралы тезистердің діндердің қарама-қайшылығында және теологиялық дауларды одан әрі саясиландыруда, сондай-ақ бір дінді екінші діннің беделін түсіруге тырысуда көрініс беруінің алдын алу;
- өркениеттер, мәдениеттер мен діндер арасындағы жаһандық диалогты дамыту.
Съездің хронологиясы:
2003, 2006, 2009, 2012, 2015 және 2018 жылдары Астанада өткен Әлемдік және дәстүрлі діндер лидерлерінің алты Съезіне ислам, христиан, иудаизм, буддизм, синтоизм, даосизм және басқа да дәстүрлі діннің көрнекті өкілдері мен жетекшілері қатысты.
Съездің диалог алаңдарында діни бірлестіктердің рухани жақындасуына байланысты мазмұнды және тағылымды отырыс өткізіліп, нәтижесінде діндер саммитінің бірлескен қорытынды құжаттары - әлем елдерінің азаматтарына, халықтары мен үкіметтеріне арналған декларациялар мен үндеулер қабылданды.
Конфессияаралық және өркениетаралық диалогты дамыту жөніндегі Н.Назарбаев орталығының серіктестері
Өркениеттер альянсы (БҰҰ, АҚШ), Бүкіләлемдік Ислам Лигасы (KСA), Король Абдулла бен Абдель Азиз Халықаралық дінаралық және мәдениаралық диалог орталығы: KAICIID (KСA), Мұсылман ақсақалдар кеңесі (БАӘ), Толеранттылық пен бейбітшілік жөніндегі ғаламдық кеңес (БАӘ), Халықаралық мәдени дипломатия институты (БАӘ), Дін - бейбітшілік үшін (АҚШ), Дүниежүзілік Лютеран Федерациясы (Швейцария), Халықаралық ислам университетінің исламтану институты (Пәкістан), Дінаралық диалог орталығы аль-Азхар (Египет), Баку Халықаралық дінаралық және өркениетаралық ынтымақтастық орталығы (Әзірбайжан) және Шарджа университеті (БАӘ), Конфессияаралық диалог бойынша папалық кеңес (Ватикан), Өзбекстан Республикасы Министрлер Кабинеті жанындағы Ислам өркениеті орталығы, Қожа Ахмет Ясауи атындағы Халықаралық қазақ-түрік университеті, Назарбаев Университеті, «Хабар» Агенттігі, Қазақстан Республикасының Ұлттық музейі.
Қажымұқан Мұңайтпасов – қазақ тарихындағы тұңғыш кәсіпқой балуан. Тарихи деректерге сүйенсек ол 1871 жылғы 7 сәуірде Ақмола уезі, Қараөткел ауылында дүниеге келген (кей зерттеулерде оның 1886 жылы туғандығы айтылады). Қыпшақ тайпасының Ұзын ішіндегі Алтыбас руынан шыққан. 1901 ж.Омбыда балуандардың жарысы өтіп, Қажымұқан белгілі атлет И. Злобинмен кездеседі. Ол мұның балуандық күшін байқап, белгілі балуан И.В. Лебедевке жолығуын ұсынады. Осылайша Қажымұқан 1904-1907 жж. И.И. Лебедев мектебінде классикалық күрес пен цирк өнерін үйренеді.
Қ. Мұңайтпасов – орасан күштің иесі, күрестің бірнеше түрін меңгерген әлем чемпионы. 48 медаль олжалаған Қажымұқандай мықты XX ғасырдың басында түркі халықтарының ішінде қазақта ғана болды. Деректерде Ресейдің балуандар тобында Қажымұқаннан күші асқан ешкім болмағаны айтылады. Дүниежүзінің чемпиондары Иван Поддубный, Иван Шемякин, Алекс Аберг, Иван Заикин, Георг Лурих, Георг Гаккеншмидт, Поль Понс, Вейланд Шульц сынды балуандармен қатар жүру, боз кілемдегі айқастарда осы балуандарды шетінен жығып, бәйге алу нағыз ерлік болатын.
1895 жылы Киевте өткен балуандар күресінде Қ. Мұңайтпасов дүниежүзінің чемпионы атағын бірінші рет жеңіп алды. 1905 жылы Қытайдың Харбин қаласында жапон чемпионы Саракикиді, 1906 жылы Германияның Берлин қаласында неміс балуаны Фон Кенигті, 1910 жылы дүниежүзінің чемпионы Ганс-Каванды, 1913-1916 жылдары Парижде дүниежүзі чемпионы Стурментті жықты. Бірақ орыс әкімшілігіне бұратана халықтың атын шығарған балуан онша ұнай қоймады. Сол үшін де Қ. Мұңайтпасов орыс балуандарының атымен күресуге мәжбүр болды. Осылайша балуанға неше түрлі лақап аттар берілді. Сол кездегі саясат бойынша, бізде тек орыстар ғана емес, жапондықтар да күреседі деген жарнамалар жасалып, Қажымұқанды «Ямагата Мухунури» деген лақап атпен күрестірді. Сонымен қатар, Мухан, «Иван Чёрный» сияқты лақап есімдері де болған. 1909 жылғы халықаралық балуандар жарысына ол «Қара Мұстафа» деген атпен шыққан. Сөйтіп бүкіл дүниежүзіне Қажымұқанның неше түрлі лақап аттары тарай бастайды. 1910 жылы Еуропа және Ресей балуандардың үлкен тобы Америкаға аттанды. Олардың ішінде Қажымұқан да болды. Оңтүстік Америка қалаларына жасалған турнеде Қажымұқанның ең сәтті өнер көрсеткен жері – Аргентина астанасы Буэнос-Айрес қаласы. Сол жерде ол алтын медальмен марапатталды.
1911 жылы Қ.Мұңайтпасов Стамбулға барды. Сол кезеңде әлемде түрік балуандарынан мықты балуан жоқ сияқты көрінетіндігі соншалық, ол жаққа орыс балуандары аяқ баспайтын-ды. Осы ретте намысқой Қ. Мұңайтпасов өзі түркі халқының өкілі ретінде Түркияға баруға бел буды.
1913 жылы Қажымұқан Иван Поддубный, Иван Заикин, Николай Вахтуров және Алекс Аберг сияқты көрнекті палуандармен бірге бірнеше ірі халықаралық жарыстарға қатысты, кейбіреулерінде алғашқы үштік жеңімпаздар қатарынан көрінді.
1914 жылы Қажымұқан Нижний Новгород қаласындағы жарыста негізгі қарсыласы Вестергард Шмидтті жеңді.
Қ. Мұңайтпасов азамат соғысынан кейін күресті дамытуды қолға алды, Қазақстан аумағында түрлі чемпионаттар ұйымдастырды.
1937 жылы Қ.Мұңайтпасовтың ізіне ІІХҚ қызметкерлері түсіп қудалауға ұшыратты. Сол себепті отбасын тастап, Түркістан мен Өзбекстанда бас сауғалады.
Қажымұқан Мұңайтпасов Ұлы Отан соғысы басталған тұста екі жылға жуық цирк өнерін көрсетіп, 100 мың сомдай ақша тауып, майданға жіберді.
Қ.Мұңайтпасов 1948 ж. Түркістан облысы, Бөген ауданы, Ленин туы колхозында қайтыс болды. Темірлан ауылында ескерткіш орнатылып, 1980 ж. Оңтүстік Қазақстан облысы, Арыс ауданы, Темірлан ауылында мемориалдық музейі ашылған. 1986 ж. бастап Қ.Мұңайтпасов атында классикалық күрестен халықаралық турнирлер өтіп келеді.
Мақалалар: