Қазақстан Республикасының Ыстанбұл қаласындағы Бас консулдығы

Қазақстан Республикасы мен Түркия Республикасы арасындағы дипломатиялық қатынастар 1992 жылғы 2 наурызда орнады. Қазақстан Республикасының Ыстанбұл қаласындағы Бас консулдығы 1995 жылы ашылды. 2023 жылғы 10 шілдеден бастап Қазақстан Республикасының Ыстанбұл қаласындағы Бас консулы Н.Аманқұл.

Қазақстан Республикасының Ыстанбұл қаласындағы Бас консулдығының консулдық округіне Түркия Республикасының 15 провинциясы кіреді:

• Айдын
• Балыкесир
• Бартын
• Бурса
• Зонгулдак
• Едірне
• Измир
• Қыркларелі
• Кожаелі
• Маниса
• Сакария
• Текірдағ
• Ыстанбұл
• Чанаккале
• Ялова

Бас консулдықтың негізгі міндеттері:

- Түркия Республикасындағы Қазақстан Республикасының азаматтары мен заңды тұлғаларының құқықтары мен мүдделерін қорғау және консулдық функцияларды жүзеге асыру;

- Қазақстан Республикасының азаматтарына консулдық-құқықтық кеңестер беру және қолданыстағы заңнама аясында тиісті көмектерді көрсету, паспорттық және визалық мәселелер бойынша консулдық және мемлекеттік қызметтерді көрсету (АХАЖ құжаттары мен паспорттарды, шетелде тұрақты тұру рұқсатын рәсімдеу, Қазақстан Республикасының  азаматтығынан шығуды/жоғалтуды рәсімдеу, құжаттарды сұрату, нотариалдық қызметтерді көрсету, азаматтарды консулдық тіркеуге алу және т.б.);

- Қазақстан Республикасы мен Түркия Республикасы арасындағы ынтымақтастықтың дамуына, Қазақстанның мемлекеттік органдарына, қоғамдық ұйымдарына және іскерлік топтардың өкілдеріне түрік серіктестерімен байланыстар орнатуға және қарым-қатынастарды дамытуға қолғабыс көрсету;

- Қазақстан Республикасы экономикасының басым салаларына түрік инвестициялары мен инновациялық технологияларды тартуға, сондай-ақ, отандық кәсіпорындардың экспортқа бағытталған өнімдерін Түркия Республикасы аумағында ілгерілетуге қолғабыс көрсету;

- Түркиядағы қазақ диаспорасымен қажетті бағыттар бойынша қарым-қатынастарды нығайту;

- Түркия Республикасында білім алып жүрген қазақстандық студенттермен өзара іс-қимыл және оларды үйлестіру;

- мәдени-гуманитарлық, білім беру, медициналық және басқа салалардағы ынтымақтастықты дамыту;

- Бас консулдықтың негізгі қызметіне қатысты басқа да функцияларды орындау.