Ыстанбұл әуежайында қалып қойған азаматтар туралы

24 қаңтардан бастап Ыстанбұлда ауа райының күрт өзгеріп, қалың қар жауғаны салдарынан халықаралық әуежайдағы барлық рейстер уақытша тоқтатылды.

«Air Astana» әуекомпаниясының өкілдерінің хабарлауынша:

• Қазақстанға ұшуы жоспарланған барлық ұшақ рейстері белгісіз уақытқа шегерілді;
• Қалып қойған ұшақ жолаушыларына тамақ берілуде, қонақ үймен қамтамасыз ету мәселесі шешілуде;
• Жолдардың жабылып, көлік қозғалысының қиындауына байланысты аталған шараларды орындау барысында кешігулер болуы мүмкін.

ҚР Ыстанбұлдағы Бас консулдығы азаматтар мен «Air Astana» өкілдерімен тікелей байланыста.