Түркия Республикасында білім алатын қазақстандық студенттердің назарына

Түркия Республикасында білім алатын қазақстандық студенттердің назарына:

 

 

• Түркия Республикасының аумағында заңды түрде болуға және білім алуға құқық беретін ықтиярхатты (кимлик) уақтылы рәсімдеу және ұзарту қажеттігіне назар аударамыз;

 

• Арнайы жұмыс визасы болмаған жағдайда еңбек қызметімен айналысу заңсыз екеніне назар аударамыз (студенттік кимлик жұмыс істеу құқығын бермейді).

 

• Әуежайда бейтаныс адамдардың заттары мен багажын алуға болмайтынына назар аударамыз;

 

• Жергілікті заңнама мен қоғамдық тәртіп ережелерін қатаң сақтау қажеттігіне назар аударамыз;

 

• Жергілікті құқық қорғау органдары қызметкерлерінің заңды талаптарын орындауды және оларды рұқсатсыз фото, видеоға түсіруге болмайтынына назар аударамыз;

 

• Әрдайым өзімен бірге ықтиярхатты (кимлик) алып жүру қажеттігіне назар аударамыз;

 

• Медициналық сақтандыру полисін уақтылы рәсімдеу қажет екендігіне назар аударамыз;

 

 

• Жеке құжаттар мен ақшалай қаражаттың сақталуына ерекше назар аудару;

 

 

• Тұрғын үйді жалға алу шарттарын жасау кезінде ерекше мұқият болуды, оның ішінде келісімшарт талаптарын, жалдау мерзімдерін және жалға берушінің ресми тіркелуін тексеру қажеттігіне назар аударамыз;

 

• Қаржылық операцияларды жүзеге асыру кезінде, әсіресе үшінші тұлғаларға ақша аудару және бейресми қаржылық қызметтерді пайдалану барысында сақтық шараларын таныту қажет екендігіне назар аударамыз;

                                    

 

• Жеке басын куәландыратын құжаттарды, банк карталарын және электрондық мемлекеттік сервистерге қолжетімділік деректерін үшінші тұлғаларға беруге болмайтынына назар аударамыз;

 

• Контрабанда болып есептелетін тауарларды белгіленген мөлшерден тыс көлемде тасымалдауға тыйым салынатынына назар аударамыз (темекі, электрондық темекі, ұялы телефон, жаңа тауарлар және т.б.);

 

• Қазақстан Республикасының мемлекеттік рәміздерін заңнамада белгіленген тәртіпке сәйкес пайдалану қажеттігіне назар аударамыз.