Нұрсұлтан Назарбаев Конфессияаралық және өркениетаралық диалогты дамыту орталығының басқарма төрағасы Болат Сәрсенбаев Ислам идеологиясы кеңесінің төрағасы, доктор Кибла Аязбен кездесті

Исламабад, 2021 жылғы 24 желтоқсан – Нұрсұлтан Назарбаев Конфессияаралық және өркениетаралық диалогты дамыту орталығының басқарма төрағасы Болат Сәрсенбаев Ислам идеологиясы кеңесінің төрағасы, доктор Кибла Аязбен кездесті.

Б.Сәрсенбаев Орталықтың Қазақстан Республикасының Тұңғыш Президенті – Елбасы Н.Назарбаевтың конфессияаралық және өркениетаралық диалогты сақтау және қамтамасыз ету жөніндегі бастамаларын ілгерілетудегі қызметі туралы айтты.

К.Аяз Қазақстанның халықаралық қауіпсіздікті нығайтудағы, сондай-ақ әлемдегі конфессияаралық келісімді сақтаудағы күш-жігерін жоғары бағалады.

Кездесу қорытындысы бойынша тараптар екі ел арасындағы достық қарым-қатынасты нығайту мақсатында мәдениет және дін саласындағы белсенді өзара іс-қимыл жасасуға уағдаласты.