Қазақстан мен Пәкістан зерттеуші қауымдастықтар арасындағы ынтымақтастықты нығайтып жатыр

Исламабад, 2025 жылғы 23 шілде – Қазақстанның Пәкістандағы Елшісі Ержан Қыстафин Daily Ittehad басылымының басшысы, Пәкістанның баспа БАҚ редакторлары қауымдастығының вице-президенті Тахир Фарукпен кездесу өткізді.

Кездесу барысында Т.Фарук жаңа құрылған Өңірлік өзара байланыс және ортақ болашақ орталығының құрылуы жөнінде хабарлап, оның негізгі мақсаттары мен алдағы жоспарларымен бөлісті.

Қазақстан мен Пәкістанның екіжақты күн тәртібіндегі өңірлік өзара байланыс тақырыбының маңыздылығын ескере отырып, Т.Фарук қазақстандық сараптамалық және зерттеу ұйымдарымен ынтымақтастық орнатуға қызығушылық білдірді.

Өз кезегінде, Елші Е.Қыстафин 2025 жылы өткізілген іс-шаралар мен қазіргі жұмыстар, сондай-ақ алдағы жоспарлар туралы ақпарат беріп, Қазақстан- Пәкістан ынтымақтастығының оң серпінін атап өтті.

Елші ұсынылған бастамаларды қолдап, жаңа жобаға қолдау көрсетуге дайын екенін білдірді.

Кездесу қорытындысы бойынша, Өңірлік өзара байланыс және ортақ болашақ орталығы делегациясының Қазақстанға сапарын ұйымдастыру жөнінде уағдаластыққа қол жеткізілді.