Қазақстан БҰҰ-ның киберқылмысқа қарсы конвенциясына қол қойды

ҚР Ішкі істер министрінің Бірінші орынбасары, Полиция Генерал-майоры Бауыржан Аленов бастаған Қазақстан Республикасының делегациясы Вьетнам астанасы - Ханой қаласында өткен Біріккен Ұлттар Ұйымының киберқылмысқа қарсы конвенциясына қол қою рәсіміне қатысты

Конвенцияға қосылу Қазақстанға келесі мүмкіндіктерді береді:

1) электрондық дәлелдемелерді басқа елдермен жедел алмасу;

2) трансшекаралық киберқылмыстарды тергеу кезінде тиімді өзара іс-қимыл жасау;

3) азаматтарды цифрлық кеңістіктегі интернет-алаяқтықтан, кибершабуылдардан және басқа да қауіптерден сенімді қорғау.

Конвенция ақпараттық-коммуникациялық технологиялар саласындағы қылмыстарға қарсы күресте халықаралық ынтымақтастықты нығайтуға және Киберқауіпсіздіктің жаһандық деңгейін арттыруға бағытталған. Қазақстан Республикасының Ішкі істер министрлігі ұлттық мүдделерді білдіре отырып, мемлекеттер арасындағы ынтымақтастықтың тиімді тетіктерін құруға бағытталған ұсыныстарды ұсына отырып, Конвенция жобасын әзірлеуге белсенді қатысты.

Конвенцияға қол қою цифрлық қауіпсіздікті қамтамасыз ету, киберқауіптерге қарсы іс-қимылдың ұлттық жүйесін жетілдіру және киберқауіпсіздік саласындағы басқа елдермен әріптестік қатынастарды нығайту жөніндегі Қазақстанның мемлекеттік саясатын іске асырудағы маңызды қадамды білдіреді.