Казақстанның аса маңызды шикізат материалдары саласындағы әл-ауқаты Нидерландтағы халықаралық вебинарда талқыланды

2025 жылғы 6 наурызда Қазақстанның аса маңызды шикізат материалдары (Critical Raw Materials) саласындағы әл-ауқатына арналған онлайн вебинар өтті. Бұл сала әлемдік экономикада күннен-күнге маңызды рөл атқаруда және Қазақстан мен Нидерланд арасындағы екіжақты ынтымақтастық үшін жаңа мүмкіндіктер ашуда. Осы мүмкіндіктерге Астана мен Гаагадағы екі елдің Елшілері мен қызметкерлері ерекше назар аударды.

Қазақстанның бұл саладағы айтарлықтай әлеуеті атап өтілді. Еліміз шетелдік инвесторларға CRM өндіру және қайта өңдеу саласына қатысу үшін қолайлы жағдайлар ұсынуға, сондай-ақ озық технологиялар алмасуын жандандыруға дайын. Еліміз өзінің жаһандық жеткізілім тізбегіндегі маңызды рөлімен және екіжақты ынтымақтастықтың дәйекті дамуымен бизнес пен ғылыми зерттеулер үшін жаңа мүмкіндіктерге жол ашады.

Негізгі баяндаманы Strategic Solutions компаниясының директоры Саймон Гленси жасады. Ол Қазақстанның мемлекеттік органдары мен бизнес өкілдерімен өткізген 20-дан астам сұхбатқа негізделген зерттеу нәтижелерімен бөлісті. Өз сөзінде ол Қазақстанның халықаралық келісімдері, ұлттық ресурстық базасының бәсекелік артықшылықтары, инвесторларды мемлекеттік қолдау шаралары және саланың даму перспективалары туралы баяндады.

Іс-шараға жергілікті бизнес, мемлекеттік органдар және Нидерландтың ғылыми қауымдастығы өкілдері қатысып, бұл стратегиялық маңызды ресурстарды өндіру, қайта өңдеу және жеткізу саласындағы ынтымақтастыққа жоғары қызығушылықтың бар екенін көрсетті.