Қазақстан мен Нидерланд арасындағы агроөнеркәсіптік кешен саласындағы екіжақты ынтымақтастық нығая түспен

16 ақпан, 2021, Гаага - Қазақстанның Нидерландыдағы Елшісі А.Жұмағалиев Нидерланды Корольдігінің Ауыл шаруашылығы, табиғат және азық-түлік сапасы министрлігімен агроөнеркәсіптік кешен саласындағы екіжақты ынтымақтастықты жандандыру мәселелерін талқылады.

 Тараптар Қазақстан Республикасының Премьер-Министрі А.Маминнің 2019 жылғы қазанда Нидерландыға жасаған сапары барысында қол жеткізілген келісімдердің, соның ішінде бау-бақша өсіру, картоп өсіру, білім беру саласындағы бірлескен жобаларды іске асыруды талқылады.  Пандемияда туындаған қиындықтарға қарамастан, қазақстандық және голландиялық кәсіпкерлер тығыз ынтымақтастықты жалғастыруда, әсіресе жылыжай саласында.

 Қазақстан Республикасының Елшісі ауыл шаруашылығында іске асырылуы керек үлкен әлеуеттің бар екендігін атап өтті.  Қазақстан жер ресурстарына, қолайлы инвестициялық климатқа, салыстырмалы түрде арзан электр энергиясына және Ресей мен Қытайдың ірі нарықтарына жақын орналасқан жағымды географиялық жағдайға ие.  Сонымен бірге, Нидерланды инновациялық ауыл шаруашылығында көшбасшы және әлемде АҚШ-тан кейінгі екінші деңгейдегі ауылшаруашылық өнімдерін экспорттаушы болып табылады.

 Нидерланды тарапы өз кезегінде Қазақстанның ынтымақтастығының маңыздылығын атап өтті және сүт фермасы, құс шаруашылығы, бау-бақша өсіру және фитосанитарлық бақылау саласындағы ынтымақтастықты жандандыруға дайын екенін білдірді.  Сонымен бірге, министрлік қазақстандық тарапты Нидерландыда 2022 жылдың сәуір-қазан айларында өтетін бүкіләлемдік бау-бақша көрмесіне – «Floriade 2022 EXPO-ға» қатысуға шақырды.

 Тараптар үнемі кездесулер өткізуге және әрқайсысының бәсекелестік артықшылықтарын ескере отырып, аграрлық сектордағы екіжақты ынтымақтастықты нығайту бойынша күш-жігерді үйлестіруге келісті.