Меню
1992 ж. 10 қыркүйек дипломатиялық қарым-қатынастың орнауы;
2000 ж. 20 желтоқсан Атырау қ. Нидерландтың Құрметті консулдігінің ашылуы;
2002 ж. Қазақстан Республикасында Нидерланд Елшілігінің ашылуы;
2003 ж. 17 маусым Амстердам қ. Бас консулдықтың ашылуы;
2005 ж. 18 ақпан Амстердам қ. Бас консулдық ҚР Нидерландтағы Дипломатиялық миссиясы болып ауыстырылды;
2019 ж. қазанынан бастап, Нидерланд Корольдігінің ҚР Елшісі болыа Андре Карстенс тағайындалды (2019 ж. 11 қарашада ҚР Президентіне Сенім грамотасын табыс етті);
2020 ж. 30 қыркүйекте ҚР Нидерланд Корольдігіндегі Төтенше және Өкілетті Елшісі болып Асқар Қуанышұлы Жұмағалиев тағайындалды.
Саяси қарым-қатынас
Жоғары деңгейдегі байланыстар:
ҚР Тұңғыш Президенті – Елбасы Н.Ә.Назарбаев Нидерланда 2 мәрте болды (бірінші рет - 2002 ж. Беатрикс патшайымның шақыруымен ресми сапармен, екінші рет – Нидерландтың Премьер-Министрі М.Рюттенің шақыруымен Гаагада 2014 ж. 23-25 наурызда өткен Ядролық қауіпсіздік саммиті аясында).
Бұған қоса, Президент Н.Назарбаевпен Премьер-Министрі М.Рютте көпжақты кездесулер барысында 3 рет кездесті – Лиссабондағы НАТО Саммиті (2010 ж. қараша), Миландағы (2014 ж. қазан) және Брюссельдегі (2018 ж. қазан) АСЕМ форумдары кезінде.
ҚР Премьер-Министрі Нидерландта 1 рет болды (НК Премьер-Министрі М.Рюттенің шақыруымен 2019 ж. 30 қазанда ҚР Премьер-Министрі А.Маминнің Гаагаға ресми сапары орын алды).
Нидерланд Премьер-Министрі Қазақстанда 2 рет болды (2010 ж. 1-2 желтоқсанда Астанада өткен ЕҚЫҰ Саммитіне қатысты және 2015 ж. 2 желтоқсанда Нидерланд Премьер-Министрі М.Рюттенің Астанаға ресми сапары болып өтті).
Бұдан бөлек ҚР Премьер-министрі К.Мәсімов Премьер-Министрі М.Рюттемен 2015 ж. Боаода өткен Азиялық Іскерлік форумы аясында және Ұлан-Батырда 2016 ж. 14-15 шілде аралығындағы АСЕМ форумы кезінде кездесті.
Жоғарғы деңгейдегі кездесулер:
Қазақстан мен Нидерланд Сыртқы істер министрлері М.Тәжин мен Ф.Тиммерманс Гаага мен Астанаға 2009 және сәйкесінше 2014 жылдары ресми іссапарлрамен болып қайтты.
Сонымен қатар НК Сыртқы істер министрі С.Блоктың ҚР Сыртқы істер министрлері Қ.Әбдірахмановпен ЕЫҚҰ СІМК (2018 ж. 7 желтоқсан Италия) және (2019 ж. 9 шілдеде Словакияда) ЕЫҚҰ СІМК кезінде Б.Атамқұловпен кездесулері болып өтті.
Парламентаралық қарым-қатынас
Нидерландқа іссапарлар:
Парламентаралық қарым-қатынастардың негізі әлеуметтік-мәдени мәселелер Комитеті Төрағасы А.Бижанов бастаған ҚР Парламенті сенаторларының делегациясының 2010 ж. Нидерландқа сапары кезінде қаланды.
2015 ж. мамырда Қ.Жақыпов Қазақстан Президентініӊ арнайы өкілі ретінде ҚР БҰҰ Қауіпсіздік Кеңесінің тұрақты емес мүшелігіне кандидатурасын алға жылжыту мақсатымен Нидерландқа іссапары болып өтті.
2019 ж. ақпанда ҚР Парламентінің Мәжілісінің Халықаралық істер, қорғаныс және қауіпсіздік комитетінің төрағасы М.Т.Ерманның Нидерландтың Сенатының Президенті А.Брукерс-Кнолмен және Нидерландтың Парламентінің Палата өкілдерінің Халықаралық істер Комитетінің Төрағасы П.Дейкстрамен кездесуі болып өтті.
Қазақстанға сапарлар:
2012 ж. қыркүйекте Нидерландтың Парламенті Сенатының Президенті Р.Ван дер Линденнің Қазақстанға сапары болды.
