Қазақстан Гуандунмен сыртқы байланыстарын нығайтуда

Гуанчжоу, 2026 ж. 10 сәуір  - Қазақстан Республикасының Гуанчжоудағы Бас консулы Гуандун өлкесі Халық үкіметі Сыртқы істер жөніндегі кеңсесінің Консулдық бөлімінің басшысы Ма Юэмен кездесу өткізді.

Келіссөздер барысында тараптар Қазақстан мен Қытай арасындағы жан-жақты стратегиялық әріптестіктің жоғары деңгейін атап өтіп, Гуандун өлкесімен өңіраралық өзара іс-қимылды дамытудың өзекті мәселелерін талқылады.

Сауда-экономикалық және инвестициялық ынтымақтастықты кеңейтуге, іскер топтар арасындағы тікелей байланыстарды нығайтуға, сондай-ақ консулдық бағыттағы өзара іс-қимыл мәселелеріне, оның ішінде екі елдің азаматтары мен бизнесі үшін қолайлы жағдайлар қалыптастыруға ерекше назар аударылды.

Сонымен қатар Қазақстан Республикасының Гуанчжоу қаласындағы Бас консулдығының қызметін қамтамасыз ету мәселелері, сондай-ақ Гуандун өлк. Сыртқы істер жөніндегі кеңсесі делегациясының Қазақстан Республикасына алдағы сапарына дайындық мәселелері қарастырылды.

Кездесу қорытындысы бойынша қазақстан-қытай қатынастарын дамыту мүддесінде практикалық ынтымақтастықты одан әрі тереңдетуге және белсенді диалогты қолдауға өзара дайындық расталды.