«Қазақстан – ата жұртым, қасиетім – ана тілім» олимпиадасы

ХАБАРЛАНДЫРУ !

 

 

Қазақстан Республикасы Оқу-ағарту министрлігінің «Дарын» орталығы 2025 жылғы 23–27 маусым аралығында шетелдегі қазақ жастарына арналған XXII Халықаралық «Қазақстан – ата жұртым, қасиетім – ана тілім» олимпиадасын (Павлодар облысында) өткізеді.

 Бұл іс-шара қазақ тілі мен мәдениетіне деген шынайы сүйіспеншілікті ұлықтап, елден жырақта жүрген жас ұрпақтың туған жермен байланысын тереңдетуге бағытталған.

 

• Олимпиадаға қазақ диаспорасының 14-18 жас арасындағы оқушылары қатыса алады.
• Әрбір команда құрамында 8 оқушы мен 2 жетекші болады.
• Олимпиада үш турдан тұрады.
• Қазылар алқасы үш тур нәтижесі бойынша Олимпиаданың жеңімпаздары мен жүлдегерлерін анықтайды.
• Олимпиадаға қатысушылар мен олардың жетекшілерінің іс-сапар шығындары (барып-келу жолы) жіберуші жақ есебінен төленеді.
• Олимпиада өтетін уақытта қатысушының жатын орны мен тамақтануы ұйымдастырушы есебінен төленеді.
• Бұл іс-шараға қатысу үшін жазбаша сұраныс ұйымдастыру комитетіне Олимпиада басталуынан 3 апта бұрын жіберілуі қажет.

 

Олимпиаданы ұйымдастыру комитетінің мекен- жайы:

010011 Қазақстан Республикасы, Астана қаласы, Мәңгілік ел 8/2,                      тел. +7 (7172) 57-65-63,  e-mail:info@daryn.kz;

 

Олимпиаданың ережесі және шарттары туралы толық ақпаратты www.daryn.kz сайтынан алуға болады.