ҚР Екатеринбургтегі Бас консулы Ж.Мамутбеков Қорған индустриалды фестиваліне қатысты

2025 жылғы 18 қыркүйекте 5-ші Қорған индустриялық фестивалінің аясында Қазақстанның Екатеринбургтегі Бас консулы Ж.Мамутбеков Қорған облысының губернаторы В.Шумковпен, сондай-ақ УрФО өнеркәсіптік кәсіпорындарының өкілдерімен кездесті.

Тараптар өзара тиімді ынтымақтастықтың перспективаларын талқылады.

Қорған облысы-инновациялар белсенді дамып келе жатқан машина жасау және ауыл шаруашылығы дамыған Ресейдің күшті өнеркәсіптік аймағы. Осыған байланысты, Қазақстан өзара іс-қимылға, тәжірибе алмасуға және осы бағыттағы бірлескен жобаларды іске асыруға мүдделі.

Ж.Мамутбеков Қорған кәсіпкерлерін қазақстандық серіктестермен байланыстарды жандандыруға шақырды. Ол Қазақстанда инвесторларды қолдау үшін барлық қажетті жағдайлар жасалғанын, бизнесті жүргізу үшін қолайлы орта қамтамасыз етілгенін еске салды. ҚР Президенті Қ. К. Тоқаевтың Қазақстан халқына Жолдауының негізгі тезистерімен таныстырды.

Іс-шара Қорған индустриалды паркінде өтті, ол Урал федералды округінің ТКШ, энергетика және өнеркәсіп салаларының ірі кәсіпорындарын біріктірді, сонымен қатар федералды және аймақтық атқарушы органдардың өкілдерімен байланыс алаңына айналды.

Сапар барысында Бас консул Қорған мемлекеттік университетінің басшылығымен және қазақстандық студенттермен кездесті.  Қазір ЖОО-да 200-ге жуық отандасымыз оқиды. Өзара іс-қимылдың әртүрлі аспектілеріне, бірлескен гуманитарлық жобаларға қатысты мәселелер қарастырылды.