В Посольстве Казахстана в Таджикистане открыта Книга соболезнований

Душанбе, 2026 жылғы 25 қыркүйек – Қазақстан Республикасының Тәжікстан Республикасындағы Елшілігінде Маңғыстау облысында қызметтік міндеттерін атқару кезінде қаза тапқан әскери қызметшілерге байланысты Көңіл айту кітабы ашылды.

Осы күні Қазақстан Республикасы Президентінің өкімімен елде жалпыұлттық аза тұту жарияланды.

Қаза тапқандардың рухына тағзым етіп, Қазақстан халқына көңіл айту үшін Елшілікке Тәжікстан Республикасы Сыртқы істер министрінің орынбасары Н. Ализода, Тәжікстан Республикасы Қорғаныс министрінің орынбасары О. Носирзода, Тәжікстанда аккредиттелген дипломатиялық миссиялар мен халықаралық ұйымдардың басшылары және өкілдері, әскери атташелер, сондай-ақ елде қызмет ететін іскер топтардың өкілдері келді.

Көңіл айту кітабында қаза тапқан әскери қызметшілердің отбасылары мен жақындарына қайғырып көңіл айту және қолдау сөздері жазылды. Тәжік тарапының, дипломатиялық қоғамдастық пен бизнес өкілдері қайғылы қазаға байланысты Қазақстан халқымен ынтымақтастық білдірді.

Елшілік атына көңіл айту жеделхаттары мен хаттар жазбаша түрде және электрондық пошта арқылы да келіп түсті.

Қазақстан Республикасының Тәжікстан Республикасындағы Елшілігі Тәжікстан Республикасының Үкіметіне, дипломатиялық корпусқа, халықаралық ұйымдарға, іскерлік қоғамдастық өкілдеріне, сондай-ақ Қазақстан халқының қайғысына ортақтасып, қаза тапқандардың отбасыларына қолдау білдірген барша азаматтарға шынайы ризашылығын білдіреді.