Қазақстан Республикасының Румыниядағы Елшісі Е.Әлидің Клуж-Напока өңіріне жұмыс сапары туралы

2024 жылғы 29 ақпан - 1 наурыз аралығында Қазақстанның Елшісі Ерлік Әли Клуж-Напока өңіріне жұмыс сапарымен барды.

Агроөнеркәсіптік және ақпараттық технологиялар саласының өкілдерімен кездесу аясында дипломатиялық өкілдіктің басшысы Румынияға өнім жеткізуге және румын бизнесімен өзара әрекеттесуді дамытуға мүдделі қазақстандық кәсіпкерлік субъектілерінің сауда ұсыныстарын ұсынды.

Сондай-ақ Қазақстанның инвестициялық мүмкіндіктері таныстырылып, ауыл шаруашылығы және жаңа технологиялар саласындағы өзара қызығушылық тудыратын мәселелер талқыланды. Ашық диалог барысында Елші Қазақстанның экономикалық дамуына қатысты румын тарапын толғандырған сұрақтарға жауап берді. Осы сәтті пайдалана отырып, елші өңірдегі кәсіпкерлерді Қазақстанға келуге шақырды.

Клуж-Напока мэрі және өңір Префектісімен кездесу барысында сауда-экономикалық, инвестициялық және гуманитарлық ынтымақтастықтың келешегі талқыланды. Өзара сауданың әлеуеті әлі толық іске асырылмағаны, тауар айналымын арттыруға мол мүмкіндіктер бар екені айтылды. Тараптар Қазақстан мен Румыния аймақтарының, атап айтқанда, Қарағанды ​​мен Клуж-Напока арасындағы бауырлас қала қатынастары туралы келісім аясында өзара іс-қимылды кеңейтуге өзара мүдделі екендіктерін растады.

Қарағандыда «Дачия» румын мәдени қоғамы жұмыс істейді, ал Қарағандыдағы университеттердің бірінде Орталық Азиядағы жалғыз румын тілі мен әдебиеті кафедрасы жұмыс ісейді.

Кездесуді қорытындылай келе, тараптар белсенді ынтымақтастықты, оның ішінде өзара іскерлік миссиялар аясында жалғастыруға келісті.

Елшінің Клуж-Напока университеттерінде оқитын қазақстандық студенттермен жеке кездесуі өтіп, онда Е.Әли Қазақстан-Румыния екіжақты қарым-қатынастарының дамуын егжей-тегжейлі баяндады.