Буэнос-Айресте Қазақстанның құрметті консулдығы ашылды

Буэнос-Айрес, 22 тамыз 2023 ж. – Қазақстан Республикасы Сыртқы істер министрінің бірінші орынбасары Қайрат Омаров Аргентинаға жұмыс сапары барысында Қазақстанның Аргентина астанасындағы алғашқы Құрметті консулдығының ресми ашылу рәсіміне қатысты. Іс-шараға Аргентина Сыртқы істер министрлігінің Саяси директоры Клаудио Джакомино, болу елінің қоғамдық-саяси және іскер топтарының өкілдері, сондай-ақ жергілікті БАҚ өкілдері қатысты.

Қайрат Омаров іс-шара ашу сөзінде Аргентина Қазақстан үшін Латын Америкасындағы маңызды саяси және экономикалық әріптес болып табылатынын және еліміздің астанасында ресми өкілдігінің болуы қазақстан-Аргентина қатынастарына ынтымақтастықтың барлық бағыттары бойынша, әсіресе саяси диалогты нығайтуда қуатты серпін беруге мүмкіндік беретінін атап өтті. Сөз сөйлеуде Қазақстанның мүдделерін ілгерілету, сауда-экономикалық ынтымақтастықты дамыту, сондай-ақ еліміздің азаматтарының құқықтары мен мүдделерін қорғау қажеттілігіне ерекше назар аударылды.

Қазақстандық дипломат Аргентина Үкіметіне Құрметті консулдықтың ашылуына достық қолдау көрсеткені үшін алғысын білдіріп, белгілі аргентиналық заңгер Сантьяго Делуканы Қазақстанның құрметті консулы ретінде жұмысының басталуымен құттықтап, оған консулдық патент табыс етті.

Аргентина Сыртқы істер министрлігінің Саяси директоры Клаудио Джакомино өз кезегінде қатысып отырған қонақтарды Буэнос-Айрестегі Қазақстанның Құрметті консулдығының ашылуымен құттықтап, қазақстандық тарапқа екі ел арасындағы екіжақты ынтымақтастықты нығайту жөніндегі міндеттерді іске асыруда барлық табыстар тіледі.

Айта кету керек, Аргентина астанасы мен оның провинциясы қуатты экономикалық және ғылыми-техникалық әлеуетке ие. Қалада Аргентинадағы ең үлкен порт, Оңтүстік Америкадағы ең үлкен порттардың бірі орналасқан. Қала әуежайы аймақтың негізгі көлік-транзиттік хабы болып табылады. Консулдық округте машина жасау саласының, мұнай-газ өндіру, энергетика және жеңіл өнеркәсіптің жетекші объектілері орналасқан. Басты фактор-Буэнос-Айрес қаласы-Аргентинаның саяси өмірінің орталығы.

Анықтама: 2017 жылдан бастап Аргентинада Аргентинаның солтүстік аймақтарына жетекшілік ететін Росарио қаласында Қазақстанның Құрметті Консулдығы жұмыс істейді. Буэнос-Айрестегі Қазақстанның құрметті консулдығы алғаш рет ашылды.