Қазақстанның Бразилиядағы Елшісі болу елдің Сыртқы істер министрінің орынбасарымен кездесу өткізді

Бразилия, 2022 жылғы 9 тамыз – Қазақстан Республикасының Бразилия Федеративтік Республикасындағы Төтенше және Өкілетті Елшісі Болат Нүсіпов жаңадан тағайындалған Бразилия Сыртқы істер министрінің жетекшілік ететін орынбасары Эдуардо Паес Сабойамен кездесу өткізді.

Кездесу барысында тараптар Қазақстан мен Бразилия арасындағы ынтымақтастықтың кең күн тәртібін талқылап, екі мемлекет арасындағы саяси диалогты одан әрі дамыту және сауда-экономикалық және инвестициялық ынтымақтастықтың барлық әлеуетін іске асыру үшін барлық ықтимал күш-жігерді жұмсауға келісті. Елші Қазақстанның өзара сауда, ауыл шаруашылығы, тау-кен және өңдеу өнеркәсібі саласындағы өзара іс-қимылды кеңейтуге, сондай-ақ ҚР экономикасына Бразилиялық инвестицияларды тартуға мүдделілігін атап өтті.

Сауда-экономикалық ынтымақтастық жөніндегі ведомствоаралық жұмыс тобын құру, сондай-ақ осы жылы кезекті сімаралық консультациялар өткізу мәселелері келіссөздердің жекелеген аспектісі болды.

Өз кезегінде Бразилиялық дипломат Қазақстанның реформалары мен жетістіктеріне жоғары баға бере отырып, өз елінің Қазақстанмен екіжақты және көпжақты ынтымақтастықтың барлық салаларында белсенді өзара іс-қимыл жасауға дайындығын растады.