Қазақстан мен Бразилия тау-кен саласындағы ынтымақтастықтың перспективаларын талқылады

Бразилиа, 2026 жылғы 22 қыркүйек – Бразилияның Тау-кен өнеркәсібі және энергетика министрлігінде Қазақстан Республикасының Бразилия Федеративтік Республикасындағы Елшісі Болат Нүсіповтің Геология, тау-кен ісі және минералдық шикізатты қайта өңдеу жөніндегі ұлттық хатшы Андерсон Баррето Аррудамен кездесуі өтті.

Тараптар, кездесу барысында тау-кен саласындағы Қазақстан-Бразилия ынтымақтастығын дамытудың перспективаларын, соның ішінде минералдық ресурстар саласындағы ықтимал ықпалдастық бағыттарын талқылады.

Екіелдің бейінді мемлекеттік органдары мен салалық ұйымдары арасындағы байланыстарды дамытуға ерекше назар аударылды.

Елші Б.Нүсіпов Бразилия тарапын Қазақстанның тау-кен саласындағы өзекті инвестициялық жобаларымен таныстырды. Тиістіжобаларбойынша ақпараттық материалдар одан әрі танысу үшін Бразилия тарапына табысталды.

Кездесу қорытындысы бойынша, тараптар, жұмыс диалогын жалғастыруға және Қазақстан мен Бразилия арасындағы өзара тиімді ынтымақтастықты дамыту мүмкіндіктерін зерделеуге мүдделік танытты.