Словакияның Банска-Быстрица қаласында Қазақстанның Құрметті консулдығы ашылды

Словакияның Банска-Быстрица қаласында Қазақстанның Құрметті консулдығы ашылды

Ү.ж. 19 желтоқсанда Банска-Быстрица қаласында Қазақстан Республикасының Словакиядағы алғашқы Құрметті консулдығының салтанатты ашылу рәсімі өтті. Іс-шараға ҚР Сыртқы істер министрінің орынбасары Роман Василенко, Қазақстанның Словакиядағы Елшісі Төлежан Барлыбаев, Банска-Быстрица аймағының басшылығы, қоғам өкілдері, ғылыми, мәдени және іскерлік топтар өкілдері, журналистер мен дипломаттар қатысты.

Салтанатты рәсімге қатысушыларға арнаған сөзінде Р. Василенко Құрметті консулдықтың ашылуы Қазақстан Республикасының Тәуелсіздік күніне және Қазақстан мен Словакия арасындағы дипломатиялық қатынастардың орнағанына 30 жыл толуына (1 қаңтар 1993 ж.) орайластырылғанын атап өтті.

Министрдің орынбасары СР Ұлттық Банкі мен халықаралық қаржы компаниялары, елдің жетекші университеттері мен ғылыми-зерттеу институттары орналасқан Словакияның ірі қаржы, ғылыми, білім беру және туристік орталығы – Банска-Быстрицада қазақстандық консулдықтың ашу маңыздылығын атап өтті. Құрметті консулдықтың ашылу салтанатына Словакия Ректорлар конференциясының төрағасы – Зволен қаласындағы Техникалық университеттің ректоры Рудольф Кропилдің, құрылыс, өнеркәсіп, медицина және басқа да салалардағы ірі словак бизнесмендерінің қатысуы кездейсоқ болған жоқ.

ҚР құрметті консулы – белгілі қоғам қайраткері, Словакия аңшылық палатасының президенті Тибор Лебоцкийді жұртшылыққа таныстыра отырып, отандық дипломат консулдықтың қызметі – мәдениет, ғылым, білім, экономика және сауда сияқты салаларда қазақстан-словак ынтымақтастығын дамытуға және нығайтуға ықпал ететініне сенім білдірді. Консулдық жұмысының бірінші кезектегі басымдығы шетелдегі қазақстандық азаматтардың құқықтарын қорғау және оларға көмек көрсету болып табылады.

Өз сөзінде Р. Василенко іс-шараға қатысушыларды Қазақстандағы саяси оқиғалармен таныстырып, жақында өткен президенттік сайлаудың қорытындылары – Президент Қ. Тоқаевтың реформалар бағытын жалпыхалықтық қолдаудың айғағы, қазақстандық қоғамның саяси жетілуінің символы және ауқымды мемлекеттік қайта құруларды одан әрі ілгерілетудің кепілі болғанын атап өтті. Қазақстандықтар Тәуелсіздік күнін болашаққа деген сеніммен және оптимизммен қарсы алғаны атап өтілді.

Екі ел арасындағы дипломатиялық қатынастардың орнағанына 30 жыл толуына орай министрдің орынбасары қазақстан-словак ынтымақтастығының серпінді, үдемелі дамуын қорытындылай келе, ҚР-дың Словакиядағы алғашқы Құрметті консулдығының ашылуы дәстүрлі екіжақты достық байланыстарды нығайтудағы тағы бір маңызды қадам болғанын атап өтті.

Өз кезегінде ҚР-дың жаңа Құрметті консулы Т.Лебоцки қазақстандық тараптың оған көрсеткен жоғары сенімі үшін ризашылығын білдіріп, сауда-экономикалық қатынастарды одан әрі нығайтуға, екі елдің бизнес топтары өкілдерінің арасындағы іскерлік байланыстарды арттыруға, сондай-ақ мәдени-гуманитарлық байланыстарды дамытуға белсенді қатысуға дайын екендігін сендірді.

Ашылу салтанаты аясында «Ayalagan Alaqan» қоғамдық қайырымдылық қорының қолдауымен мүмкіндігі шектеулі қазақстандық балалардың «Әлем балалар көзімен» сурет көрмесі, сондай-ақ «болашаққа ұмтылған Қазақстан» фотокөрмесі ұйымдастырылды. Іс-шара қонақтарына Қазақстанның табиғаты мен мәдениеті туралы кітаптар сыйға тартылды.