Словакияның Virtual Reality Media компаниясы Қазақстанмен одан әрі өзара тиімді ынтымақтастыққа мүдделі

ТРЕНЧИН, 2021 шілде 30 шілде – Қазақстанның Словакиядағы Елшісі Роман Василенко еліміздегі серіктестермен компанияның одан әрі ынтымақтастық перспективаларын талқылау үшін ұшу тренажерларын шығаратын Virtual Reality Media (VRM) компаниясына сапары өтті.

Тренчинде орналасқан VRM – азаматтық және әскери авиация мен жердегі секторларға арналған заманауи және жоғары технологиялық тренажерлар жасайтын IT және инженерлік компания. VRM симуляторларының сан түрлі конфигурациялары бар. Өндірістің негізгі өнімдері − SU-25, L-39, G-22, Boeing 737, MiG-29, Mi-17 тікұшақтары және т.б. симуляторлар.

Бүгінгі таңда компания әлемнің бес құрлығындағы клиенттерге арналған 50-ге жуық түрлі тренажер шығарады. Қытай мен АҚШ -та филиалдары бар.

Бірнеше жылдар бойы компания Қазақстандағы мамандандырылған ұйымдармен тығыз жұмыс жасап, оның ішінде республиканың бірнеше қалаларында жаттығулар мен әскери ұшақтарға арналған тренажерларды орнатып, оларға қызмет көрсеткен .

Әңгіме барысында компанияның басқарма мүшесі Павол Грман Қазақстан кәсіпорындарымен ынтымақтастықты жаңғыртуға қызығушылық танытып, Орталық Азия нарығының үлкен әлеуетін атап өтті.

Өз кезегінде Р. Василенко технологиялық компаниялар арасында байланыс орнатудың перспективаларын көрсете отырып, ынтымақтастықты нығайтудың маңыздылығын атап өтті.

Компанияға сапар Словакия Сыртқы және Еуропалық істер министрлігінің қолдауымен ұйымдастырылды.