Братиславадағы қайырымдылық жәрмеңкесінде Қазақстан мәдениеті таныстырылды

Қазақстан Республикасының Словак Республикасындағы Елшілігі Братиславада өткен және ондаған елдің өкілдерін біріктірген жыл сайынғы халықаралық қайырымдылық жәрмеңкесіне қатысты.

Жәрмеңке аясында Елшілік қолдауымен словак тіліне аударылып басылған қазақ халық ертегілері мен қазақстандық авторлардың шығармалары, ел туралы ақпараттық материалдар, дәстүрлі кәдесыйлар, ұлттық тағамдар және сәндік-қолданбалы бұйымдар ұсынылды.

Қазақстанның мәдени бағдарламасын халық күйлерін орындаған домбырашылардың өнері жандандырды. Жәрмеңке қонақтары ұлттық музыкалық мұраға ерекше қызығушылық танытып, қазақтың төл аспабының бірегей әуезін жоғары бағалады.