Р. Жошыбаев: біз стратегиялық әріптестігіміз бен одақтастығымызды арттыруымыз керек.
Бішкек қ., 2024 жылғы 28 наурыз - Қазақстанның Қырғызстандағы Төтенше және Өкілетті Елшісі Рәпіл Жошыбаев «Биринчи студиясы» УТРК студиясының тікелей эфирінде қазіргі кездегі Қазақстан-Қырғыз қарым-қатынасын тілге тиек етті.
Дипломат Қазақстан мен Қырғызстан тәуелсіз даму жылдарында ғасырлар бойғы достық пен тату көршілік байланыстарының мызғымастығын көрсеткенін атап өтті.
Қазақстан - Қырғыз қатынастары - бұл өзара саяси және экономикалық мүдделермен қатар, бізді ежелден байланыстыратын ортақ тағдыр. Ең жақын екі халықтың бауырластық қарым-қатынасы уақыт сынынан лайықты өтті және бүгінде біз өзара тиімді, стратегиялық байланыстар мен одақтастықты арттыруымыз керек.
ҚР Президенті С.Жапаровтың Қазақстанға ресми сапары қарсаңында Р.Жошыбаев мемлекеттер арасындағы жүзеге асырылып жатқан келешегі зор жобаларды атап өтті. Қазіргі таңда өзара тауар айналымы 1,3 млрд. АҚШ долларынан асады және оны 2 млрд. АҚШ долларына дейін жеткізу міндеті тұр. Аталған міндетті жүзеге асыру үшін, мемлекеттеріміз шекарада ИСЛК құру шеңберінде және Қырғызстандағы іс жүзіндегі қазақстандық «Каз минералс Бозымшақ» кәсіпорнымен бірге елдің инвестициялық тартымдылығына серпін беретін ферроқорытпа зауытын салу бойынша ынтымақтастықты жалғастыруда. Транзиттік-көлік саласын дамытуда «Ақсу-Камышановка» БӨП жұмысын қалпына келтіру, «Бесағаш» және «Айша-бибі» БӨП мақсатты бағытын оңтайландыру мәселелері пысықталуда.
Сондай-ақ, дипломат ҚР-ның Қырғыз Республикасындағы елшілігінің басты басымдықтарының бірі болып табылатын мәдени-гуманитарлық және білім беру салаларындағы өзара іс-қимыл туралы әңгімелеп берді. Қырғыз тарапымен бірлесіп көрмелер, симпозиумдар, «дөңгелек үстелдер», семинарлар, екі елдің мәдени күндері, фильмдер көрсетілімі, концерттер, ескерткіштерді ашу мен айтыстар өткізіліп тұрады. Сәуір айында халықтар арасындағы мәдени байланыстарды нығайтуға бағытталған Хабар және УТРК-ның бірлескен «Қосқанат-Қошқанат»" телебағдарламасы көрермендерге жол бастайды.