Қазақстан Республикасының Қырғыз Республикасындағы Елшілігі «Наурыз мейрамы» мерекелеуге арналған қайырымдылық жәрмеңкесіне қатысты

2023 жылғы 16 наурызда Бішкек қаласы - Қазақстан Республикасының Қырғыз Республикасындағы Елшілігі «Наурыз мейрамына» орайластырылған дәстүрлі қайырымдылық жәрмеңкесіне қолдау көрсетіп, қатысты.

Іс-шараның бастамашылары Қырғыз Республикасының Сыртқы істер министрлігі мен Бішкек қаласының мэриясы болды.

Жәрмеңке Қырғызстан астанасының орталығындағы «Құрманжан Датка» ескерткішінің алдындағы аллеяда өтті.

Қайырымдылық акциясын ұйымдастыруға қазақ дипломаттарымен қатар Өзбекстан, Түрікменстан, Түркия, Жапония, Корея, Ресей, Иран, АҚШ, Үндістан, Тәжікстан, Еуропалық Одақ және басқа да халықаралық ұйымдардың өкілдері қатысты. 

Жәрмеңке қонақтарының назарына әлемнің әртүрлі елдерінен бірегей бұйымдар, қайырымдылық мақсаттарын қолдау үшін сатып алуға болатын ұлттық тағамдар мен сусындар ұсынылды.

Қазақстан Республикасының павильонында отандық өндіріс өнімдері, кәдесыйлар, ұлттық киім элементтері, сондай-ақ іс-шара қонақтары арасында танымал болған қазақтың отандық ұлттық тағамдары қойылды.

Айта кету керек, барлық ұлттық тағамдарды Қазақстан Елшілігі қызметкерлерінің отбасы мүшелері дайындаған және қайырымдылық жәрмеңкесін ұйымдастырушылар мен келушілер жоғары бағалаған.

Қайырымдылық акциясы аясында Қырғыз Республикасының Білім министрлігі «Сейтек» ұлттық балалар мен жасөспірімдер орталығының сахнасында концерт ұйымдастырды. Қырғызстан астанасының балалар ұжымдарымен әлем халықтарының репертуарларынан, оның ішінде «Ариет» ансамблінің орындауындағы «Қазақ биі» бағдарламасы көрсетілді.

Қайырымдылық акциясының қонақтары мен қатысушыларының пікірінше, дипломатиялық корпус пен елорда тұрғындарының қатысуымен өткізілетін осындай іс-шаралар жан-жақты мәдени алмасуға, көпмәдениетті байланыстарды толерантты қабылдауға тәрбиелеуге, басқа халықтардың дәстүрлерін өзара зерделеуге, өзара түсіністікті дамытуға және халықаралық ынтымақтастықты жандандыруға ықпал етеді.