Қазақстан B5+1 бастамаларын іске асыруды жандандырып, АҚШ пен Орталық Азиямен экономикалық өзара іс-қимылды кеңейтуде

2026 жылғы 5 ақпанда B5+1 форумы аясында Қазақстан Республикасы Сыртқы істер министрінің бірінші орынбасары Е.Ашықбаев B5+1 ұсынымдарын іске асыру және Орталық Азия мен АҚШ арасындағы экономикалық өзара іс-қимылды дамыту мәселелері бойынша баяндама жасады. Е.Ашықбаев ынтымақтастықтың практикалық жобалық модельге көшуін атап өтіп, сыни минералдар, цифрландыру, логистика, қаржы және туризм салаларындағы басым бағыттарды, сондай ақ өңірлік үйлестіру мен стандарттарды үйлестірудің маңызын ерекше атап өтті.

Қазақстан аталған бағыттарды нақты жобалар арқылы іске асыруды бастап кеткені, соның ішінде Транскаспий бағытын дамыту және цифрлық инфрақұрылымды нығайту жұмыстары жүргізіліп жатқаны атап өтілді. Сонымен қатар 2026 жылды К.Токаевтың бастамасымен «Жасанды интеллект жылы» деп жариялау цифрлық трансформацияны ұлттық басымдық ретінде айқындайтыны көрсетілді.

Е.Ашықбаев форумды ұйымдастырғаны үшін Қырғыз Республикасына және ұсынымдарды әзірлегені үшін Халықаралық жеке кәсіпкерлік орталығына (Center for International Private Enterprise) алғыс білдіріп, Қазақстанның оларды практикалық тұрғыда іске асыруға және АҚШ-пен серіктестікті одан әрі тереңдетуге дайын екенін растады.