Қырғыз Республикасының Бас прокуратурасында Бас прокурордың орынбасары Малик Бектурғанов Қазақстан Республикасының Төтенше және Өкілетті Елшісі Рәпіл Жошыбаевпен кездесті.

Осы жылғы 24 қазанда Қырғыз Республикасының Бас прокуратурасында Бас прокурордың орынбасары Малик Бектурғанов Қазақстан Республикасының Төтенше және Өкілетті Елшісі Рәпіл Жошыбаевпен кездесті.

Кездесу барысында тараптар екі ел арасындағы халықаралық құқықтық ынтымақтастық саласындағы өзара іс-қимылдың даму мәселелерін талқылады.

Тараптар уәкілетті органдардың іс-қимылдарын үйлестіру, азаматтардың өтініштерін қарау кезінде ақпарат алмасу, іс жүргізу әрекеттерін жүзеге асыру, сондай-ақ экстрадиция және өзара құқықтық көмек көрсету мәселелерін қарастырды.

Бас прокурордың орынбасары шетел азаматтарының құқықтарын қорғаудың маңыздылығын атап өтіп, дипломатиялық өкілдіктермен сындарлы өзара іс-қимыл жасауға дайын екенін білдірді.

Өз кезегінде Қазақстан Елшісі қырғыз тарапына ынтымақтастыққа дайын болғаны үшін ризашылығын білдіріп, ведомстволар арасындағы өзара іс-қимылды одан әрі дамытуға мүдделілігін растады.

Кездесу қорытындысы бойынша тараптар өзара қызығушылық тудыратын мәселелер бойынша тиімді ынтымақтастық пен бірлескен іс-қимылдарды жалғастыру ниеттерін растады.