«Президент Қасым-Жомарт Тоқаевтың жолдауы: дамудың жаңа бағдарлары және олардың Орталық Азия өңірі үшін маңызы»

25 қыркүйекте Бішкекте Ә. Осмонов атындағы ҚР Ұлттық кітапханасында орналасқан Абай ғылыми орталығында «Президент Қасым-Жомарт Тоқаевтың Жолдауы: дамудың жаңа бағдарлары және олардың Орталық Азия өңірі үшін маңызы» тақырыбына дөңгелек үстел болып өтті. Дөңгелек үстелді Қазақстан Республикасының Қырғыз Республикасындағы Елшілігі және «Vesti.kg» ақпараттық басылым редакциясы ұйымдастырды. Дөңгелек үстелге жиналған сарапшылар, саясаткерлер, ғылыми және қоғам қайраткерлерінің алдында ҚР-дағы Төтенше және Өкілетті Елшісі Рәпіл Жошыбаев сөз сөйледі. Рәпіл Жошыбаев қошамет сөзінде ҚР Президенті Қасым-Жомарт Тоқаевтың қыркүйек айындағы Қазақстан халқына Жолдауының негізгі тұстарын атап өтті.

Сондай-ақ, Елші Қазақстан транзиттік-көлік саласын, атом энергетикасын, бизнес саласын және экологияны дамыту жалғастырылатынын атап өтті. Ал бір палаталы Парламент құруды көздейтін парламенттік реформа және заңнамалық базаны жетілдіру есебінен ел үшін маңызды жобаларды жүзеге асыру тиімдірек болады. Бұдан әрі “Жасанды интеллект және цифрландыру: Қырғызстан қазақстандық стратегиядан қандай сабақ ала алады” тақырыбына Exclusive.kg бас редакторы журналист-талдаушы, заңгер Семей Қарыпқұлов баяндама жасады. Ол Орталық Азия елдерінің әлемдік экономика мен өңірлік дамуда, оның ішінде жасанды интеллект пен цифрландыру саласында қандай жетістіктерге жеткенін тілге тиек етті. Атап айтқанда, АҚШ пен Өзбекстан мен АҚШ пен Қазақстан арасындағы ірі миллиардтаған мәмілелер өңірдің экономикалық жетістіктерін көрсетеді, ал цифрландыру және жасанды интеллект технологияларын пайдалана отырып, Қырғызстанның мүмкіндіктері мен ұмтылыстары елге жаңартылатын энергетика мен ауыл шаруашылығында сапалы серпіліс жасауға мүмкіндік береді.

“Жаңа циклдің экономикалық басымдықтары: Қазақстан–Қырғызстан байламындағы өнеркәсіп, ауыл шаруашылығы және логистикалық дәліздер» атты үшінші баяндамамен экономика ғылымдарының докторы, профессор Толон Әбдіров сөз сөйледі. Ол республикалар жүзеге асырып жатқан бірлескен жобалардың аталған секторларды қазіргі уақытта алға қойылған талаптарға сәйкес қол жеткізу қажет деңгейге дейін дамытудағы маңыздылығы туралы айтып берді. Бұл тек аймақтық ауқымда ғана емес, сонымен қатар жоғары деңгейде де айтарлықтай жетістіктерге жетуге мүмкіндік беретін екі елдің байламы. Осыдан кейін дөңгелек үстелге қатысушылар баяндамашылардың тақырыптарын талқылап, Қазақстандағы цифрлық трансформация және экономикалық жаңғырту үдерісі туралы өз көзқарастарын ұсынды және осы бағыттағы одан әрі ынтымақтастыққа дайын екендіктерін білдірді. Дөңгелек үстел бағдарламасын аяқтаған қорытынды сөзді Қазақстанның Қырғызстандағы елшісі Рәпіл Жошыбаев айтты. Ол сарапшылар қауымдастығын одан әрі ынтымақтастыққа шақырды және екі елдің экономикалық және цифрлық дамуына күш салуды жалғастыруға ниет білдірді.