Меню
1) 1991 жылы 9 тамызда Қазақстанда жаһандық оқиға болды. Президент Нұрсұлтан Назарбаевтың жарлығымен 1949 жылдан бастап 468 ядролық жарылыс жасалған Семей ядролық полигоны жабылды.
2) 1991 жылғы 1 желтоқсанда қазақстандықтар Елдің Тұңғыш Президенті Нұрсұлтан Назарбаевты сайлады, он күннен кейін ол ресми түрде қызметіне кірісті.
3) 1992 жылғы 2 наурызда Қазақстан БҰҰ-ның толық мүшесі болды.
Н.Назарбаевтың БҰҰ-дағы алғашқы сөзінің видеосы:
https://www.facebook.com/AkordaPress/videos/902368856574167/
4) 1993 жылғы 15 қарашада алғаш рет ұлттық валюта «Теңге» енгізілді. Ақшаның алғашқы партиясы ағылшын зауытында басылып, бір апта ішінде Қазақстанға Ил-86 ұшағымен өте құпия жағдайда жеткізілді.
5) 1993 жылы Қазақстанның Тұңғыш Президенті Нұрсұлтан Назарбаев «Болашақ» халықаралық стипендиясын құрды, бұл дарынды қазақ жастарына мемлекет есебінен шетелде білім алуға мүмкіндік береді. Тәуелсіздік таңында Қазақстанға одан әрі реформалар жүргізетін жоғары білікті кадрлар қажет болды.
6) 1994 жылы Тәуелсіз Қазақстанның тұңғыш ғарышкері Талғат Мұсабаев ғарышқа ұшты. Біздің туымыз бен елтаңбамыз ғарышта алғаш рет пайда болуы оның арқасында болды. Ол ЕО-16 экипажына бортинженер ретінде «Союз ТМ-19» ғарыш кемесімен 1994 жылдың 1 шілдесінен - 4 қарашасына дейін «Мир» орбиталық кешеніне ұшты.
7) 1994 жылғы Қазақстанның Тұңғыш Президенті Нұрсұлтан Назарбаевтың астананы Алматыдан сол кездегі Ақмолаға көшіру туралы өршіл шешімі қабылданды. 1998 жылғы әлемнің жаңа елордасы Астананың (қазіргі Нұр-Сұлтан қаласы) тұсаукесері болды.
8) 1995 жылғы 30 тамызда бүкілхалықтық референдумда Қазақстанның Конституциясы қабылданды. Бұл күн мемлекеттік мереке – Қазақстан Республикасының Конституциясы күні.
9) 1995 жылы Елбасы Нұрсұлтан Назарбаевтың бастамасымен Қазақстан халқы Ассамблеясы құрылды. Оның мақсаты - елдегі қоғамдық және саяси келісімді қамтамасыз ету.
10) 2001 жылғы қыркүйегінде бұрын-соңды болмаған оқиға орын алды: 11 қыркүйекте АҚШ-тағы террорлық актіден екі апта өткен соң, бүкіл әлем исламдық және христиан өркениеттерінің қақтығысына дайындалып жатқан кезде, Рим Папасы Иоанн Павел II Қазақстанға ресми сапармен келді.
11) 2003 жылдың күзінде Астанада (қазіргі Нұр-Сұлтан) Әлемдік және дәстүрлі діндер көшбасшыларының бірінші съезі өтті. Әр түрлі конфессиялардың басшыларын бір дөңгелек үстелдің басына жинау мақсатында ауқымды дипломатиялық жұмыс жүргізілді. Содан бері конгресс Қазақстанның астанасында ағымдағы жылды қоспағанда, үш жыл сайын өткізіліп келеді. Пандемияға байланысты конгресс 2021 жылдан 2022 жылға ауыстырылды.
12) Қазақстандық дипломатияның алғашқы шыңдарының бірі - Еуропадағы қауіпсіздік және ынтымақтастық ұйымына (ЕҚЫҰ) төрағалық етуі және 2010 жылғы желтоқсанда Астанада ЕҚЫҰ саммитін өткізуі болды. Қазақстан ТМД-дағы ЕҚЫҰ-ға төрағалықты қабылдаған және саммит кездесуін ұйымдастырған алғашқы мемлекет болды Дәл сол кезде ЕҚЫҰ-ның күн тәртібінде Ванкуверден Владивостокқа дейін бөлінбейтін қауіпсіздік жүйесін құру мүмкіндігі қарастырылды.
13) 2011 жылғы қаңтар-ақпан айларында Қазақстан өз аумағында алғаш рет VII Қысқы Азия ойындарын өткізді. Жарыстар екі қалада - Астана мен Алматыда өтті, оған 26 елдің спортшылары қатысты. Қазақстан 2011 жылғы Азия ойындарында 32 алтын, 21 күміс және 17 қола медаль жеңіп алып, бірінші жалпы командалық орынға ие болды.
14) 2016 жылы біздің Еліміз алғаш рет 2017-2018 жылдар кезеңіне БҰҰ Қауіпсіздік Кеңесінің тұрақты емес мүшесі болып сайланды. Қазақстан БҰҰ-ның ең беделді органына сайланған бірінші Орта Азия мемлекеті болды және БҰҰ Қауіпсіздік Кеңесінде Орталық Азия күн тәртібін нығайтуға үлкен үлес қосты.
15) 2017 жылы Қазақстанның елордасы Астанада (қазіргі Нұр-Сұлтан) Болашақ энергиясына арналған ЭКСПО-2017 халықаралық мамандандырылған көрмесі өтті. Көрмеге әлемнің әр түкпірінен 100-ден астам мемлекет қатысты.
16) 2018 жылдың 5 шілдесінде Астана халықаралық қаржы орталығы (АХҚО) ашылды, ол бүгінде Орталық Азия, Кавказ, ЕАЭО, Батыс Қытай, Моңғолия, Таяу Шығыс пен Еуропа экономикаларын байланыстыратын кәсіпкерлік және қаржы саласындағы аймақтық орталық ретінде маңызды рөл атқаруда. Қазіргі уақытта АХҚО-да 750-ден астам шетелдік және жергілікті компаниялар тіркелген.
17) 2016 жылы Қазақстанда «Қорғас - Шығыс қақпасы» арнайы экономикалық аймағы іске қосылды. Бұл Қытайды, Орталық Азия мен Таяу Шығысты байланыстыратын стратегиялық, логистикалық хаб. Әлемдегі ең ірі құрғақ порттың қолайлы орналасуы, салық жеңілдіктері, инновациялық технологияларды қолдану және әмбебаптығы Қазақстанды Азиядан Еуропаға жүк транзитінің негізгі буыны етеді.
18) Қазақстандағы тұрақтылық пен тыныштық, үдемелі экономикалық даму, елді демократияландыруға бағытталған терең саяси және әлеуметтік реформалар, қолайлы инвестициялық ахуал Қазақстанның тікелей шетелдік инвестицияларды тартудағы табысының кепілі болды. Тәуелсіздік жылдары ТШИ ағыны шамамен 350 млрд. АҚШ долларын құрады. Соңғы бес жылда Қазақстан жыл сайын орта есеппен 21,3 млрд. АҚШ доллар тартты.
