Қазақстанның материалдық емес мәдени мұрасы Бейжіңде таныстырылды

Бейжің, 2026 жылғы 10 қаңтар – «Qazaq-Oner Ұлттық қауымдастығы» Қазақстанның Қытайдағы Елшілігінің және Қазақстанның Бейжіңдегі мәдениет орталығының қолдауымен материалдық емес мәдени мұраны сақтау және насихаттау және мәдениетаралық коммуникацияны дамыту мәселелеріне арналған халықаралық семинар ұйымдастырды.

 

Қазақ тарапынан семинарға «Qazaq-Oner Ұлттық қауымдастығының» президенті, Қазақстандағы «IOV World» өкілі Айгүл Жансерікова, ҚР Халық әртісі Айгүл Құсанова, өнер және мәдениет қайраткерлері, дәстүрлі музыка және сәндік-қолданбалы өнер саласындағы мамандар қатысты.

 

Семинар барысында қазақ халқының музыкалық мұрасына, орындаушылық өнердің дәстүрлі түрлеріне, сондай-ақ мәдени дәстүрлерді сақтау мен тапсырудың заманауи тәсілдеріне арналған баяндамалар мен презентациялар ұсынылды. Қатысушылар материалдық емес мәдени мұра саласындағы халықаралық ынтымақтастық және оны ілгерілетудегі бейінді ұйымдардың рөлі мәселелері бойынша пікір алмасты.

 

Естеріңізге сала кетейік, 2026 жыл Қазақстан мен Қытай мәдениетінің тоғыспалы жылы болып жарияланды