Қазақстан Елшісі Бахтияр Вахабзаденің 100 жылдығына арналған іс-шараларға қатысты

Қазақстанның Әзербайжандағы Елшісі Әлім Байел Шеки қаласына барып, Әзербайжанның көрнекті ақыны және ойшылы Бахтияр Вахабзаденің 100 жылдығына арналған конференцияға қатысты. Махмұд Қашқари атындағы халықаралық қор ұйымдастырған іс-шараға түркі елдерінің Елшілері, түркі халықаралық ұйымдарының басшылары, Шеки қаласы атқарушы билігінің басшысы, Милли Мәжіліс депутаттары, академиктер, профессорлар, жергілікті тұрғындар, сондай-ақ ақынның қызы Гүлзар Вахабзаде қатысты.

Қазақстанның Елшісі өз сөзінде жас кезінде шығармашылығымен танысқан алғашқы әзербайжан ақынының Б. Вахабзаде болғанын атап өтті. Дипломат Б. Вахабзаденің Отанға деген сүйіспеншілікті, бостандық идеалдары мен түркі бауырластығын дәріптейтін шығармашылығы мен идеялары қазіргі жастарды тәрбиелеуде үлкен маңызға ие екенін атап өтті. Елші Б. Вахабзаде армандағанның барлығы, атап айтқанда, түркі халықтарының бірігуі, халықаралық аренада түркі факторының күшеюі – бүгінде сәтті жүзеге асырылып жатқанын қанағаттанушылықпен атап өтті. Қазақстан мен Әзербайжан арасындағы стратегиялық және одақтастық қатынастар осының жарқын мысалы.

Сонымен қатар, сапар аясында Қазақстан Елшісі Әзербайжан мемлекеттік педагогикалық университетінің Шеки қаласындағы филиалына барып, студенттерді қызықтырған сұрақтарға жауап берді. Дипломат қаланың тарихи бөлігімен танысып, Б. Вахабзаде үй-мұражайына барып, жергілікті телеарнаға сұхбат берді.

Б. Вахабзаде 1925 жылғы 16 тамызда Шеки қаласында дүниеге келіп, 2009 жылғы 13 ақпанда Бакуда қайтыс болған. Өз шығармашылығы үшін көптеген мемлекеттік және әдеби марапаттарға ие болған. Әзербайжан ақынының еңбектері Қазақстанда да зерттелуде. Оның шығармаларының негізінде Қазақстан театрларында бірнеше спектакль қойылған.