Анкарада 1 Маусым - Халықаралық балаларды қорғау күні аталып өтілді.

Қазақстан Республикасының Президенті Қасым-Жомарт Кемелұлы Тоқаевтың 2022 жылды "Балалар жылы" жариялауы аясында, Қазақстанның Анкарадағы Елшілігінде балаларға арналған іс-шара өтті.

Аталған іс-шараға қазақстандық балалар қатысып, Қазақстан Республикасының Түркия Республикасындағы Елшісі Е.О.Сәпиевтің қабылдауында болды.

Елші жасөспірімдермен әңгімелесу барысында оларды мерекемен құттықтап, балалар ел болашағы екенін атап өтті. Кездесуде балалар өздерін таныстырып, шығармашылықтарын көрсетті.

Сонымен қатар, балалар «Жаңа Қазақстан» тақырыбына арналған сурет салу шарасына қатысып, салынған суреттерден көрме ұйымдастырылды. Елші балалардың өнерін тамашалап, олардың жетістіктеріне ризашылылығын білдірді. Сондай-ақ, балаларға Елшінің атынан Алғыс хаттар табыс етілді.

Іс-шара соңында балалар «Қара жорға» әніне флеш-моб орындады.