2021 жылы 28 ақпанда Қазақстанның Аммандағы Елшісі Айдарбек Тұматов Иордания университетінің ректоры Абдель Карим әл-Құдамен кездесіп, ғылым мен білім саласындағы өзара іс-қимылды одан әрі дамыту жолдарын, сондай-ақ Қазақстан-Иордания университеттері арасындағы ынтымақтастық мәселелерін талқылады.
Тараптар 2013 жылы әл-Фараби атындағы ҚазҰУ-мен жасалған ынтымақтастық туралы меморандум ережелерін, соның ішінде академиялық және студенттік алмасуға, сондай-ақ Иордания университетінің қабырғасында құрылған «әл-Фараби атындағы Мәдениет, этика және саясат орталығының» жұмысын белсендіруге мүдделілігін білдірді.
Кездесу соңында өткен жылы Әбу Наср әл-Фарабидің 1150 жылдығын атап өтуге қосқан үлес үшін Абдель Карим әл-Құдаға Қазақстан Республикасы Мәдениет және спорт министрінің алғыс хаты тапсырылды.