Ядролық сынақтарға қарсы халықаралық күніне арналған іс-шара

2025 жылғы 29 тамызда Қазақстан Республикасы Сыртқы істер министрлігінің Алматы қаласындағы Өкілдігінің кеңесшісі Аселя Оралбаева Ядролық сынақтарға қарсы халықаралық күніне және Біріккен Ұлттар Ұйымының 80 жылдығына арналған дөңгелек үстелге қатысты. 

Іс-шара әл-Фараби атындағы Қазақ ұлттық университетінің халықаралық қатынастар факультеті тарапынан Қазақстан Республикасы Президенті жанындағы Қазақстан стратегиялық зерттеулер институтының, Алматы қаласындағы дипломатиялық корпус пен БҰҰ-ның халықаралық ұйымдарының қатысуымен ұйымдастырылды. 

СІМ-нің өкілі Алматы қ. Орталық Азия мен Ауғанстан үшін орнықты даму мақсаттар жөніндегі БҰҰ-ның Өңірлік орталығының ашылуы әлемдік қауымдастық тарапынан еліміздің жаһандық қауіпсіздік пен тұрақты дамудағы белсенді жұмысына берілгенжоғары бағасы екенін атап өтті.