Қазақстан мен Албания азаматтық авиация саласындағы ынтымақтастықты талқылады

Тирана, 2026 жылғы 8 қазан – Қазақстанның Албаниядағы Елшісі Искандер Айсариев Албанияның Азаматтық авиация басқармасының директоры Максим Этхемаймен кездесті.

Тараптар азаматтық авиация саласындағы екіжақты ынтымақтастықты дамыту, бейінді ведомстволар арасындағы өзара іс-қимылды нығайту және шарттық-құқықтық базаны кеңейту перспективаларын талқылады.

Қазақстан мен Албания арасындағы әуе қатынасын дамыту мәселелеріне және оның сауда-экономикалық, туристік және гуманитарлық байланыстарды кеңейтудегі маңызына ерекше назар аударылды.

Сұхбаттастар сондай-ақ Халықаралық азаматтық авиация ұйымы (ICAO) аясындағы өзара іс-қимыл мәселелері бойынша пікір алмасып, авиация саласындағы ортақ күн тәртібін ілгерілету жөніндегі алдағы қадамдарды талқылады.