Цифрлық даму министрлігі eGov mobile арқылы жасанды интеллектіні қолдану туралы сауалнама жүргізеді

3-9 наурыз аралығында Цифрлық даму министрлігі азаматтар арасында жасанды интеллект (ЖИ) технологияларын қолдану туралы сауалнама жүргізеді. Сауалнамаға eGov mobile мобильді қосымшасы арқылы «Хабарламалар» бөлімінде қатысуға болады.

Сауалнама бес сұрақтан тұрады — ЖИ туралы білім мен оны қолдану, оның шешімдеріне деген сенім және жаңа технологиялармен жұмыс істеуге дайындық туралы.

Сауалнама нәтижелері бойынша талдау жасалып, олар цифрлық дағдыларды дамыту және ЖИ-ді күнделікті өмірге енгізу бойынша келешектегі бастамалар үшін негіз болады.

Бұған дейін, 3 наурызда, Мәжілісте Қазақстанда ЖИ-ді қолданудың ашық әрі түсінікті ережелерін жасауға бағытталған «Жасанды интеллект туралы» заң жобасы таныстырылды.

 

ҚР ЦДИАӨМ баспасөз қызметі