Батыс Қазақстан облысындағы еңбек нарығындағы жағдай

Облыста 2023 жылдың IІ тоқсанында¹⁾ Халықаралық еңбек ұйымының әдістемесі бойынша есептелген жұмыссыздық деңгейі, яғни табысты кәсібі (жұмысы) болмаған, оны белсенді іздеген және жұмысқа кірісуге дайын болғандар бойынша тоқсандық мәндегі көрсеткіш 4,9% құрады.

Облыс экономикасының салаларында 2023 жылдың IІ тоқсанында 332586 адам жұмыспен қамтылды, олардың 243858 (жұмыспен қамтылғандардың жалпы санынан 73,3%) жалдамалы қызметкер болса, 88728 адам (жұмыспен қамтылғандардың жалпы санынан 26,7%) өзін-өзі жұмыспен қамтығандар. 15 және одан жоғары жастағы халыққа шаққандағы жұмыспен қамтылғандар үлесі 66,4% құрады.

Жұмыспен қамтылған халықтың ең көп үлесі ауыл, орман және балық шаруашылығы (14,4%), білім беру (13,9%), көтерме және бөлшек саудада сату; автомобильдерді және мотоциклдерді жөндеу (13,6%) және өнеркәсіп (10,7%) салаларында байқалды. Жалпы 2023 жылдың IІ тоқсанында облыста 17255 жұмыссыз адам болды.

15 пен 34 жастағы²⁾ жастар арасындағы жұмыссыздық деңгейі 3,8% құрады. NEET жастарының жұмыссыздығы, яғни білім алумен немесе кәсіби даярлықпен айналыспайтын жастардың үлесі 4,7% құрады.

Батыс Қазақстан облысының жұмыспен қамтуды үйлестіру және әлеуметтік бағдарламалар басқармасының мәліметтері бойынша 2023 жылдың шілде айының соңына 17728 жұмыссыздар ресми тіркелген. Тіркелген жұмыссыздар үлесі жұмыс күшінің санының 5,1%-ын құрады.

 

¹⁾ Халықтың жұмыспен қамтылуын іріктеп зерттеу мәліметтер

²⁾ Қазақстан Республикасының Мемлекеттік жастар саясаты туралы Заңына сәйкес. 2023 жылдың 1 қаңтарынан бастап жастардың жасы 35 жасқа дейін ұлғайтылды.

 

 

 

 

 

 

www.new.stat.gov.kz / ҚР өңірлерінің статистикасы / Батыс Қазақстан облысы

 

Орындаушы:	Мекенжай:
Алимова А.Е.	090000, Батыс Қазақстан облысы
Тел.: +7 7112 50-53-07	Орал қаласы
	Мухит көшесі, 50/1

 

© Қазақстан Республикасының Стратегиялық жоспарлау және реформалар агенттігі
Ұлттық статистика бюросының Батыс Қазақстан облысы бойынша департаменті