Мемлекеттік тіл егеменді еліміздің, мемлекетіміздің бір
белгісі. Қазақстанда тұратын, оны Отаным деп қабылдайтын, өзін Қазақстанның патриоты деп есептейтін әрбір азаматтардың тілі.
Тіл мәртебесі – ел мерейі. А.Байтұрсынұлының 150 жылдық мерейтойы аясында талантты жастарға қолдау көрсету мақсатында «Қасиетті өлке, киелі мекен» тақырыбында аудандық шығарма байқауы өткен болатын. Облыстық байқауға жолдама алған Тасашы орта мектебінің 9 сынып оқушысы Сейілхан Нұрай, Қарқара орта мектебінің 11 сынып оқушысы Даутхан Сабина топ жарып Қонаев қаласында өткен байқаудан жүлделі 3 орынды иеленді. Облыстық Тілдерді дамыту басқармасының Дипломымен, ақшалай сыйлықтарымен марапатталды. Сонымен қатар «Балалар жылы» аясында мемлекеттік тілдің қолданыс аясын кеңейту, қазақ тілінің қарым-қатынас тілі ретіндегі қызметін нығайту мақсатында ұйымдастырылған облыстық «Бала тілі -бал» облыстық акциясына аудандағы балабақшалардан қатысушы «Балауса» балабақшасының 5 жасар тәрбиеленушісі Дастанқызы Альфия, «Балдаурен» балабақшасының тәрбиеленушісі 4 жасар Даулетбай Мадина, Жылысай ауылының балабақшасының тәрбиеленушісі 4 жасар Ілияс Айсұлтан облыстық Тілдерді дамыту басқармасының арнайы Дипломы, сыйлықтарымен марапатталды.
Аудан әкімінің орынбасары Қабылбеков Кеңес Күнесбайұлы жүлдегерлерді арнайы қабылдап жылы лебізін білдіріп, сый –сияпат жасады.