2020 жылдың 13 қаңтарында Құрмаңғазы атындағы мәдениет сарайында, Атырау облысы Мемлекеттік сатып алу басқармасымен облыс және қаланың барлық бюджеттік әкімшілері өкілдерінің қатысуымен шара ұйымдастырылды.

Шараны ұйымдастырудың басты мақсаты – мемлекеттік сатып алу саласын реттейтін заңнамаға енгізілген соңғы өзгерістер мен толықтыруларды талқылау.

Шараның тақырыбын кеңінен талқылау мақатында өзге де өкілетті мекемелердің өкілдері шақырылды.

Шараға қатысушыларға келесідей баяндамалар таныстырылды:

1. Қазақстан Республикасы Қаржы министрлігі Ішкі мемлекеттік аудит комитетінің Атырау облысы бойынша Ішкі мемлекеттік аудит департаменті басшысының орынбасары Бекмұханов Ғилаж Құзаирұлының баяндамасы. Тақырыбы: «Қазақстан Республикасы Қаржы министрлігі Ішкі мемлекеттік аудит комитетінің Атырау облысы бойынша Ішкі мемлекеттік аудит департаменті жұмысының 9 айлық қорытындысы туралы».
2. Қазақстан Республикасы Қаржы министрлігі Ішкі мемлекеттік аудит комитетінің Атырау облысы бойынша Ішкі мемлекеттік аудит департаментінің бөлім басшысы Телишева Гүлжайнап Аманжанқызының баяндамасы. Тақырыбы: «Камералдық бақылау барысында орын алатын бұзушылықтар».
3. Атырау облысы Мемлекеттік сатып алу басқармасы басшысының орынбасары Жалмұқанова Гүлфарам Ғұбайдоллақызының баяндамасы. Тақырыбы: «Мемлекеттік сатып алу саласындағы негізгі жаңалықтар».
4. Қазақстан Республикасы Қаржы министрлігі Қазынашылық комитетінің Атырау облысы бойынша қазынашылық департаменті басшысының орынбасары Нухина Индира Әзілқызының баяндамасы. Тақырыбы: «Құрылыс бойынша мемлекеттік сатып алуларды қазынашылық сүйемелдеу».
5. ҚР Сауда және интеграция министрлігі Техникалық реттеу және метрология комитетінің Атырау облысы бойынша департаментінің басшысы Камешева Салтанат Ғазизқызының баяндамасы. Тақырыбы: «Мемлекеттік сатып алу саласында стандарттардың дұрыс қолданылуы».
6. Атырау облысы бойынша Тексеру комиссиясының мүшесі Аққажиева Ләззат Сатыбалдықызының баяндамасы. Тақырыбы: «Мемлекеттік сатып алу туралы заңының талаптарының бұзылуы салдарынан орын алатын кемшіліктер».
7. Атырау қаласы қаржы бөлімінің басшысы Бекова Алтынай Махамбетқызының баяндамасы. Тема: «Төртінші деңгейлі бюджетті жүзеге асыру мәселесі. Қалалық бөлімдер мен ауылдық округтердегі тапсырыс берушілермен мемлекеттік сатып алуда туындайтын мәселелер. Мемлекеттік коммуналдық мүлікті басқару мәселелері».
8. Атырау облысы Кәсіпкерлік және индустриалдық-инновациялық даму басқармасының жергілікті қамтуды дамыту бөлімінің басшысы Мұсағалиев Ризабек Жасқайратұлының баяндамасы. Тақырыбы: «Мемлекеттік сатып алулардағы жергілікті қамту».
9. Атырау облысы бойынша кәсіпкерлер палатасының тауарларды сертификаттау бойынша сарапшысы Махсутова Айгүл Жастілекқызының баяндамасы. Тақырыбы: «Индустриалды сертификаттарды алу туралы».

Шараның соңында, қатысушылар мемлекеттік сатып алу рәсімдерін өткізу барысында туындайтын сұрақтарға жауап ала алды.