Санаулы сәттер бұрын Олимпиаданың ширек финалында Елена Рыбакина әлемнің бұрынғы бірінші ракеткасы (2017 жылы) испаниялық Гарбинье Мугуруса Бланкодан басым түсіп, жартылай финалға шықты.
Екі сетке созылған кездесу 7:5, 6:1 есебімен Еленаның пайдасына аяқталды.
Матч бір сағат, 33 минутқа созылды. Бас төреші – норвегиялық Юлие Кьендле.
Айта кетейік, кеше еліміздің бірінші ракеткасы үшінші айналымда хорватиялық Донна Векичтен (7:6 (7:3), 6:4), екінші айналымда швециялық Ребекка Петерсоннан (6:2,6:3), алғашқы кезеңде австралиялық Саманта Стосурдан екі сетте (6:4,6:2) басым түскен.