Белгілі суретші, этнограф, қару-жарақ ісінің тарихын зерттеуші, тарих ғылымдарының кандидаты Қайролла Ахметжанмен кездесу өтеді
Қазақстан Республикасы Мәдениет және спорт министрлігінің «Бозоқ» мемлекеттік тарихи-мәдени музей-қорығы» РМҚК еліміздің тарихи-мәдени мұрасын зерттеу, сақтау және көпшілікке тарату мақсатында еліміздің жетекші жоғары оқу орындарымен, ғалымдарымен, археологтарымен, этнографтарымен, суретшілерімен және дизайнерлерімен белсенді ынтымақтастық жасайды.
«БОЗОҚ СӘРСЕНБІСІ» платформасы аясында 2021 жылдың 12 мамырында «Бозоқ» музей-қорығы белгілі суретші, этнограф, қару-жарақ ісінің тарихын зерттеуші, тарих ғылымдарының кандидаты Қайролла Саматұлы Ахметжанмен кездесу өткізеді.
Қайролла Саматұлы қазақтардың дәстүрлі қару-жарақ тарихы бойынша жалғыз маман.
КСРО Көркемсурет академиясы жанындағы И.Е. Репин атындағы Ленинград кескіндеме, мүсін және сәулет өнері институтының кескіндеме факультетінің түлегі.
Студент кезінде Қалиолла кескіндемеге деген құштарлығынан басқа қазақ тарихына, этнографиясына үлкен қызығушылық танытып, баталист суретші болуды армандаған.
Институттағы сабақтардан басқа ол музейлерде, кітапханаларда көп уақыт өткізіп, әртүрлі суретшілердің жұмыстары мен қатар Қазақ қару-жарағын зерттейді.
Қалиолла 100 ғылыми және ғылыми-көпшілік мақалалар, сондай-ақ қазақтардың жауынгерлік дәстүрлері мен әскери өнері бойынша екі монография жариялаған, сол үшін 1992 жылы «Ана тілі» газетінің лауреаты атанды. Оның 1996 жылы ҚР Баспа істері агенттігі өткізген «Үздік баспа, үздік кітап, үздік басылым» байқауының қорытындысы бойынша «Жараған темір кигендер (батырлардың қару-жарағы, әскери өнері, салт-дәстүрлері)» монографиясы «Өнер бойынша кітаптар» номинациясында үздік танылды. 2007 жылы Мәскеуде өткен Тәуелсіз Мемлекеттер Достастығы елдерінің – IV Халықаралық «Кітап өнері» байқауында К.Ахметжанның орыс тілінде жарық көрген «Қазақтардың дәстүрлі қару-жарағының этнографиясы» атты кітабы III дәрежелі дипломға ие болған.
ҚР Мәдениет қайраткері Алматы және Нұр-Сұлтан қалаларында бірнеше жеке көрмелер өткізді, топтық қалалық, республикалық және шетелдік көрмелерге қатысты (Чехословакия, Эфиопия, Оңтүстік Корея, Германия, Түркия, АҚШ), сондай-ақ Түркия, Қытай, Ресейдегі халықаралық көркемөнер симпозиумдарында суретші ретінде қатысқан.
Жоғары кәсіби деңгейдегі кескіндеме шебері Калиолла әртүрлі жанрларда жұмыс істейді: портрет, пейзаж, натюрморт, тарихи, мифологиялық, шайқас, тұрмыстық, жануарлар. Ол сонымен қатар ғарыш тақырыбын, белгілі бір философиялық идеяларды бейнелейтін концептуалды туындыларды жасайды.
Оның көптеген шығармаларының аясында пейзажға арналған жұмыстар ерекше орын алады.
Оның шығармашылығында серіктесі әйелі Райкүл болды. Ол сәндік-қолданбалы өнер саласындағы кәсіби суретші-көркем мазмұны жағынан әсерлі гобелендер, батиктер, сәндік мата панельдерін жасайды. Ерлі-зайыптылар бір шығармашылық ағымға түсіп, бірге өмір сүріп, бір-біріне көмектесіп, бір-бірін шабыттандырады және үнемі сұлулықты жасауға тырысады.
Өтетін орны: Қайролла Саматұлы Ахметжанның шеберханасы
Қосымша ақпарат алу үшін мына телефон арқылы хабарласуға болады:
+ 7 (7172)999 -062; 87021900284, e-mail: b_kulzhanova@mail.ru