Күн тәртібіндегі басты мәселе – Мемлекет басшысы Нұрсұлтан Әбішұлы Назарбаевтың бес институционалдық реформасы аясында 100 нақты қадам – Ұлт жоспарын іске асыру. 

Елбасы спорт саласында мемлекеттік саясаттың басым бағыты етіп мыналарды алға қойған: дене шынықтыру арқылы ұлт саулығын нығайту, бұқаралық және балалар мен жасөспірімдер спортын дамыту, және спорттағы үлкен жеңістеріміз арқылы Қазақстанның әлемдік аренадағы имиджін жақсарту.

Елбасы халықтың 30 пайызын спортпен және тұрақты дене шынықтырумен айналысуын қамтамасыз ету үшін, бірінші кезекте бұқаралық спортты дамытуға және балалар мен жасөспірімдер арасында спортты насихаттауды жүктеген болатын. 

Жасалған жұмыс нәтижесінде 2014-ші жылы дене шынықтыру және спортпен шұғылданатындар саны  25,1 пайызға жетіп,         4 миллион  300 мыңға жетті. 2013-ші жылмен салыстырғанда бұл көрсеткіш 1,8 пайызға немесе 375 мың адамға өскен.