Үлкен Нарын ауданы мәслихатының кезекті он сегізінші сессиясы өтті
2025 жылғы 19 желтоқсанда Үлкен Нарын ауданы мәслихатының кезекті он сегізінші сессиясы өтті. Оған мәслихат депутаттары, аудан әкімі Е.Байрахметов, аудан әкімінің орынбасарлары, аудан әкімі аппаратының басшысы, облыстық басқарма, аудан әкімінің дербес бөлімдерінің басшылары, ауылдық округ әкімдері, аудандық аурухананың бас дәрігері, «Нарын таңы» газетінің тілшісі шақырылып, қатысты. Мәслихат сессиясының отырысы онлайн режимде интернет желісінде трансляцияланды.
Сессияда 2026-2028 жылдарға арналған Үлкен Нарын ауданының бюджеті туралы, халыққа алғашқы медициналық-санитарлық және консультациялық-диагностикалық көмек көрсету туралы, Үлкен Нарын ауданы мәслихаты төрағасының мәслихаттың қызметін ұйымдастыру бойынша атқарылған жұмыс есебі туралы және әртүрлі мәселелер қаралды.
Сессияның күн тәртібіндегі бірінші мәселе бойынша Үлкен Нарын ауданының экономика және қаржы бөлімінің басшысы Э.Акимбетова 2026-2028 жылдарға арналған аудан бюджетінің жобасымен таныстырды.
Осы мәселе бойынша жарыссөзге шыққан №3 сайлау округінің депутаты Т.Камбаров 2026-2028 жылдарға арналған аудан бюджеті, оның ішінде ауданның 2026 жылға арналған бюджеті жалпы алғанда әлеуметтік салаға бағдарланғанын, ол өз кезегінде сайлаушылардың үміттері мен сұраныстарына сәйкес келетінін атап өтті. Сөз соңында 2026-2028 жылдарға арналған Үлкен Нарын ауданының бюджетін бекітуді ұсынды.
Күн тәртібіндегі екінші мәселе бойынша Үлкен Нарын ауданының аудандық ауруханасының бас дәрігері М.Молдожанова ақпарат берді. Бас дәрігердің мәліметі бойынша ағымдағы жылы аурухана 2 көрсеткішке қол жеткізбеген. Сонымен қатар, психикалық және мінез-құлық бұзылыстары аурулары, ВИЧ жұқтыруы, ана өлімі тіркелмеген. Аурухананың медициналық құрылғымен жабдықталуы 87,5% құрайды.
Осы мәселе бойынша жарыссөзге шыққан №1 сайлау округінің депутаты
Р.Жомартов аурулардың көрсеткіштері 2024 жылдың деңгейінде қалып отырғанын, бірақ аурудың кейбір түрлері бойынша артқанын айта келе, аурухана басшылығы қажетті қорытындылар жасайды деген ойын білдірді.
Мәслихаттың қызметін ұйымдастыру бойынша атқарылған жұмыс бойынша мәслихат төрағасы Ж.Сыдыкова есеп берді. Ол мәслихаттың есепті кезеңдегі жұмысына кеңінен тоқталды.
Үлкен Нарын ауданының экономика және қаржы бөлімінің басшысы Э.Акимбетова 2025-2027 жылдарға арналған аудан бюджетіне енгізілетін өзгерістермен таныстырды.
Мәслихат төрағасы Ж.Сыдыкова күн тәртібіндегі әр түрлі мәселелер блогындағы мәселелермен таныстырып, олар бойынша шешімдер қабылданды. Күн тәртібіндегі барлық мәселелерді саралап қарап, талқылаудың нәтижесінде тиісті шешімдер қабылданды.