Кезекті әкімдік отырысы өтті

Аудан әкімдігінің ғимаратында кезекті әкімдік отырысы өтті. Отырысқа аудандық мәслихат төрағасы Жанар Данелханқызы Сыдыкова, аудан әкімінің орынбасарлары, ауылдық округ әкімдері, сондай-ақ мекеме басшылары мен қызметкерлері қатысты.

Күн тәртібінде бірнеше ақпарат пен мәселелер қарастырылды. Атап айтқанда, 2025-2026 жылғы жылыту маусымына дайындық барысы туралы, тұрғын үйлерді пайдалануға беру жоспарының орындалуы, пайдаланылмайтын ауыл шаруашылығы мақсатындағы жерлерді мемлекет меншігіне қайтару жұмыстары, ұлттық ауыл шаруашылығы санағы және Қазақстан Республикасы Конституциясының 30 жылдығы аясында ұйымдастырылған іс-шаралар туралы ақпарат талқыланды.

Жиын қорытындысы бойынша барлық бөлімдерге жұмыстардың сапалы орындалуы және белгіленген мерзімде аяқталуы тапсырылды.