Азаматтарды жеке қабылдау

Ағымдағы жылдың 28 маусымында Аршалы аудандық мәслихатының депутаты А.Кузьмичев Ақмола облысы білім басқармасының Аршалы ауданы бойынша білім бөлімінің «Аршалы кентінің бастауыш мектебі» КММ ғимаратында азаматтарды жеке қабылдады.

Мәселелерді жедел шешу үшін кенттік әкімдік пен полиция бөлімінің өкілдері қатысты.

Қабылдау барысында азаматтар келесі мәселелерді көтерді: жолдарды асфальттау, Жамбыл Жабаев көшесі ауданындағы Есіл өзені арқылы өтетін теміржол көпірі мен көпірдің жай-күйі, коммуналдық көшедегі ашық құдық, қаңғыбас мал мәселесі және Железнодорожная көшесіндегі құрғақ теректі кесу.

Барлық мәселелер бойынша тиісті түсініктемелер берілді. Жекелеген өтініштер бойынша одан әрі қарастыру,  шаралар қабылдау үшін депутаттық сауалдар дайындалды.