Ақмола облысында депутаттардың халық алдында есеп беру кездесулері жалғасуда

«Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес депутаттар жылына кемінде бір рет өзінің депутаттық қызметі туралы халық алдында есеп беруге тиіс.

«Бұл есептер депутаттардың өткен жылғы қызметі мен қол жеткізген нәтижелері және олар жыл бойы жұмыс істеген депутаттардың негізгі бастамалары туралы маңызды ақпарат береді. Бұл біз үшін, жергілікті қоғамдастық үшін және өкілді орган үшін маңызды», - деп атап өтті Ақмола облыстық мәслихатының төрағасы Бейбіт Жүсіпов аудандар тұрғындарымен кездесулерде.

«AMANAT» партиясымен ұсынылған Ақмола мәслихатының депутаты Абай Жорабек Есіл ауданы Заречный ауылының тұрғындарының алдында есеп берді.

Абай Жұманұлы Ақмола облыстық мәслихатының аграрлық мәселелер және өңірді индустриялық-инновациялық дамыту жөніндегі тұрақты комиссиясының құрамына кіреді. Депутаттармен бірлесіп, ол жыл сайын Есіл ауданы бойынша жобаларды ұсына отырып, үш жылға арналған облыстық бюджетті қалыптастыруға қатысады.

Кездесу барысында халық арасында бірнеше мәселелер көтерілді. Негізгі проблемалар - аудандық маңызы бар жолдарды жөндеу бойынша, Заречное ауылын сумен қамтамасыз ету.

Жарқайың ауданы Державинск қаласының тұрғындарымен келесі кездесуді Ақмола облыстық мәслихатының депутаты Владимир Камышанский өткізді, ол да Ақмола облыстық мәслихатының аграрлық мәселелер және өңірді индустриялық-инновациялық дамыту жөніндегі тұрақты комиссиясының мүшесі.

Мұнда Бірсуат ауылының тұрғындарын мектеп құрылысын аяқтау мәселесі толғандырады.

Іс-шараға қатысушылар аудандарды дамыту бойынша өз ұсыныстарымен бөлісіп, атқарылған жұмыстар үшін алғыстарын білдірді. Мұндай есепті кездесулер депутаттық жұртшылықтың өңір халқымен тығыз қарым-қатынасы үшін өз жалғасын табады.