25 қызметтік көліктің кілті табысталды

Ақмола облыстық мәслихатының хатшысы Талғат Жүнісов Қазақстан полициясының 30 жылдығына арналған іс-шараларға қатысты. Мерекелік күнге орай «Көкшетау» МҮ салтанатты жиын ұйымдастырылды.

Облыс әкімі Ермек Маржықпаев полиция департаментінің жекелеген бөлімшелеріне 25 қызметтік көліктің кілтін табыстап, полицейлердің тиімді және жедел жұмысы үшін материалдық-техникалық құрамдас бөліктің қаншалықты маңызды екенін тағы да атап өтті.

Ішкі істер органдарының бірқатар қызметкерлері мен ардагерлері ведомстволық наградалармен, мерейтойлық медальдармен, ҚР Президентінің, Ішкі істер министрінің, облыс әкімінің, полиция департаменті бастығының алғыс хаттарымен, құрмет грамоталарымен марапатталды. Полицейлер өздерінің музыкалық таланттарымен қуантты.

«Мен барлық ІІО қызметкерлері мен ардагерлерін мерекемен құттықтаймын! Құқықтық тәртіпті қамтамасыз етуде, полицияның оң имиджін нығайтуда, азаматтардың сенімі, мықты денсаулық, отбасылық амандық және тыныш қызмет етуде зор табыстар тілеймін», – деп атап өтті Талғат Тұрлыбекұлы.