Қазақстан ЖИ дәуірінде: өңірлік саясатты дамытудың жаңа векторы

Мемлекет Басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» Жолдауы еліміздің дамуындағы жаңа кезеңді белгіледі. Негізгі құжаттың арқасында жоғары технологиялық, тұрақты және инклюзивті мемлекет құру үшін стратегиялық бағдарлар белгіленді.

Президент жасанды интеллект, цифрлық шешімдер мен озық технологияларды өмірдің барлық салаларына – мемлекеттік басқарудан бастап ауыл шаруашылығы, білім беру мен денсаулық сақтау жүйесіне дейін енгізу қажеттігін атап өтті. Осы бағытта Ақмола облыстық мәслихаты депутаттарының қызметі де жаңа даму векторын иеленіп отыр.

Қазірдің өзінде біз цифрлық трансформация процесіне белсенді қатысып жатырмыз. Атқарушы органдармен бірлесіп әлеуметтік инфрақұрылымды цифрландыру, «ақылды» егіншілік элементтерін пайдалана отырып ауыл шаруашылығын жаңғырту, сондай-ақ ТКШ жүйесінде электрондық сервистерді енгізу жөніндегі жобалар іске асырылуда.

Жұмысымызда қала мен ауылдық аумақтар арасындағы цифрлық теңсіздік мәселелеріне ерекше назар аударылады. Облыстық мәслихат депутаттары халықпен белсенді өзара іс-қимыл жасайды және шалғайдағы елді мекендерде цифрлық ресурстарды енгізу, жастар мен қарт азаматтар арасында цифрлық сауаттылықты дамыту мәселелерін көтереді.

Біз Президенттің цифрлық күн тәртібін іске асырудағы өңірлердің рөлін күшейту жөніндегі бастамасын толық қолдаймыз. Ақмола облысы агроөнеркәсіптік кешенде, логистика мен экологияда жасанды интеллект технологияларын қолдану бойынша пилоттық өңірлердің бірі болу мүмкіндігіне ие. Мәслихат депутаттары тиісті бағдарламаларды әзірлеуге және мониторингтеуге қатысуға, сондай-ақ халықпен тиімді кері байланысты қамтамасыз етуге дайын.

Президент белгілеген бағдарлар дәйекті түрде іске асырылатынына сенімдімін. Ақмола облысының депутаттық корпусы Жолдауды қолдайды және Қазақстанның тұрақты цифрлық дамуына бағытталған міндеттерді іске асыру бойынша белсенді жұмысты жалғастыруға дайын.

 

Б. Жүсіпов,

Ақмола облыстық мәслихатының төрағасы