Меню
Бейбiт Айтымұлы Жүсiпов 1961 жылы 8 қыркүйекте Көкшетау облысы, Зерендi ауданы, Қарабұлақ ауылында дүниеге келді. Бiлiмi жоғары, 1984 жылы Ш.Уәлиханов атындағы Көкшетау мемлекеттiк университетiн «математика және физика пәнінің мұғалiмi» мамандығы бойынша тәмамдады.
Еңбек жолын 1978 жылы Зерендi ауданы, Қарабұлақ ауылында бастады. 1984 жылдан бастап бiлiм беру жүйесiнде, кейiн басшылық лауазымдарында: Уәлиханов ауданындағы Южный орта мектебінің, Зерендi ауданының Заборовка негізгі мектебiнiң, Қарабұлақ орта мектебінің, Зерендi қазақ орта мектебінің директоры қызметiн атқарды.
2001 жылдан бастап 2013 жылға дейiн - Зерендi ауданы бiлiм бөлiмiнiң басшысы.
2013 жылдан 2014 жылға дейiн - Зерендi ауданы әкiмiнiң орынбасары. 2014 жылдан 2015 жылға дейiн - Ақмола облысы бiлiм басқармасы басшысының орынбасары.
2015 жылдан 2019 жылға дейін - Көкшетау қаласы бiлiм бөлiмiнiң басшысы.
2019 жылғы қараша айынан 2020 жылғы сәуір айына дейін - Көкшетау қаласы әкiмiнiң орынбасары.
2020 жылғы 20 сәуірден бастап Ақмола облысы білім басқармасының басшысы лауазымын атқарды.
2023 жылдың 30 наурызында сессия шешімімен сегізінші шақырылған Ақмола облыстық мәслихатының төрағасы болып сайланды.
«Ерен еңбегі үшін» медалімен, «Ыбырай Алтынсарин», «Білім беру ісінің құрметті қызметкері» төсбелгілерімен марапатталған. «AMANAT» партиясының мүшесі.