Самар ауданының Жұмба ауылында көптен күткен оқиға болды - оқушылар мен ауыл тұрғындары үшін жаңа спорт залы ашылды

1988 жылы салынған мектепте көптеген жылдар бойы өзінің жаттығу залы болған жоқ. Дене шынықтыру сабақтары бейімделген үй-жайларда өтіп жүрді, ал балалардың спортпен толыққанды шұғылдануларына мүмкіндік болмады. Енді бұл мәселе артта қалды.

Ерекше маңыздысы, аталған құрылыс билік пен жергілікті қоғамдастықтың бірлескен жұмысының нәтижесінде мүмкін болды. Тұрғындар мәселені халықпен кездесулерде көтеріп, мәселе облыс басшылығының қолдауына ие болды және Шығыс Қазақстан облысының әкімі Нұрымбет Сақтағановтың тапсырмасы бойынша жобаны іске асыруға қажетті қаражат бөлінді.

Бұқаралық спортты дамыту, салауатты өмір салтын насихаттау және заманауи спорттық инфрақұрылымды құру AMANAT партиясының сайлауалды бағдарламасының негізгі бағыттарының бірі болып табылады. Сондықтан тек қалаларда ғана емес, ауылдық елді мекендерде де спортпен шұғылдануға сапалы жағдайлар жасалуы өте маңызды.

Залды спорт жабдықтарымен жарақтандыруға көмектескен мектеп түлектеріне, ауыл тұрғындарына және жергілікті ауыл шаруашылығы құрылымдарына жеке алғыс білдіреміз. Бірлік пен жанашырлықтың осындай үлгісі балаларымызға бірлесіп лайықты жағдай жасай алатынымызды көрсетеді.

Жаңа спорт залы Жұмба ауылының өскелең ұрпағы үшін салауатты өмір салтының, жаңа жетістіктер мен жеңістердің орны болатынына сенімдімін.