2025 жылғы 3 шілдеде Шығыс Қазақстан облыстық мәслихатының кезекті XXII сессиясы өтті
Сессияға 32 депутаттың 21-і қатысты, бұл 66%-ды құрады. Сессия жұмысына Шығыс Қазақстан облысы әкімінің бірінші орынбасары Жақсылық Мұқашұлы Омар, Қазақстан Республикасы Парламенті Сенатының депутаты Ольга Александровна Булавкина, облыс әкімі аппаратының басшысы, облыстық басқармалардың, департаменттердің, құқық қорғау органдарының басшылары, қалалық және аудандық мәслихаттардың төрағалары, қоғамдық бірлестіктердің, БАҚ өкілдері қатысты. Қалалар мен аудандардың әкімдері кезекті сессияның жұмысына онлайн режимінде қатысты.
Мәслихат сессиясының отырысы Интернет желісінде онлайн режимінде (LIVE) көрсетілді. Трансляцияға сілтемелер облыс әкімдігі мен мәслихатының сайттарында орналасқан.
Сессия отырысында келесі мәселелер қаралды:
1. Шығыс Қазақстан облыстық мәслихаты төрағасының есебі.
Денис Сергеевич Рыпаков - Шығыс Қазақстан облыстық мәслихатының төрағасы.
2. Шығыс Қазақстан облысында коммуналдық меншіктегі гидротехникалық құрылыстарды қауіпсіз пайдалануды қамтамасыз ету туралы ақпарат.
Арман Нағашыбайұлы Есентаев - Шығыс Қазақстан облысының табиғи ресурстар және табиғат пайдалануды реттеу басқармасының басшысы.
3. Шығыс Қазақстан облысының құрылыс, сәулет және қала құрылысы басқармасы басшысының Қазақстан Республикасының сыбайлас жемқорлыққа қарсы заңнамасын орындау жөніндегі есебі.
Руфат Бағдатұлы Акрамов - Шығыс Қазақстан облысының құрылыс, сәулет және қала құрылысы басқармасының басшысы.
4. Әлеуметтік-мәдени даму, депутаттық өкілеттіктер, этика және заңдылық мәселелері жөніндегі тұрақты комиссияның есебі.
Сәуле Жәдігерқызы Рахметуллина – тұрақты комиссия төрағасы.
5. Әртүрлі мәселелер:
1) «Кредиттерді қайтару және қайта құрылымдау жөніндегі облыстық комиссияның дербес құрамы туралы» Шығыс Қазақстан облыстық мәслихатының 2016 жылғы 21 сәуірдегі № 2/12-VІ шешіміне өзгеріс енгізу туралы;
2) «Шығыс Қазақстан облысының терроризмге қарсы комиссиясының дербес құрамы туралы» Шығыс Қазақстан облыстық мәслихатының 2013 жылғы 9 тамыздағы № 13/156–V шешіміне өзгеріс енгізу туралы;
3) «Облыстық жер комиссиясы туралы» Шығыс Қазақстан облыстық мәслихатының 2022 жылғы 16 қыркүйектегі № 19/166-VІI шешіміне өзгеріс енгізу туралы;
4) «Шығыс Қазақстан облыстық мәслихатының регламентін бекіту туралы» Шығыс Қазақстан облыстық мәслихатының 2016 жылғы 14 шілдедегі № 5/40-VI шешіміне өзгеріс енгізу туралы;
5) Шығыс Қазақстан облысы әкімдігінің дербес құрамындағы өзгерістерді келісу туралы.
Жақсылық Мұқашұлы Омар депутаттардың атқарушы билік органдарымен ынтымақтастығы мемлекеттік бағдарламаларды тиімді іске асыруға және азаматтардың өмір сүру сапасын арттыруға ықпал ете отырып, жергілікті жерлерде өзекті мәселелерді уақтылы анықтауға және шешуге мүмкіндік беретінін атап өтті. Өз кезегінде атқарушы органдар депутаттарға бағдарламалардың іске асырылу барысы туралы уақтылы анық ақпарат беруге, атқарылған жұмыс туралы депутаттық корпус алдында есеп беруге және жұмыс кездесулері, комиссиялар және бірлескен іс-шаралар шеңберінде депутаттармен өзара іс-қимыл жасауға тиіс. Мұндай диалог билік органдарының неғұрлым айқын және жауапты жұмысын қамтамасыз етуге, халықпен кері байланыс орнатуға және азаматтардың нақты қажеттіліктеріне бағдарланған саясатты қалыптастыруға мүмкіндік береді.
Депутаттар алдында Қазақстан Республикасы Парламенті Сенатының депутаты Ольга Александровна Булавкина сөз сөйледі. Ол өз сөзінде өкілді билік жүйесінің тиімді жұмыс істеуі көбінесе Парламент Сенатының депутаттары мен жергілікті жерлердегі мәслихат депутаттары арасындағы үйлесімді өзара іс-қимылға байланысты екенін атап өтті. Мұндай ынтымақтастық орталық пен өңірлер арасындағы тығыз байланысты қамтамасыз етеді. Өзара қолдау және күш-жігерді үйлестіру биліктің барлық деңгейлерінің іс-әрекеттерінде үлкен үйлесімділікке қол жеткізуге мүмкіндік береді және өңірлердің неғұрлым тұрақты және теңгерімді дамуын қамтамасыз етеді. Ол сондай-ақ депутаттарды Сенаттың заңнамалық бастамаларымен таныстырып, ашық диалог пен тиімді кері байланыстың маңыздылығына назар аударды.